भांगरभूंय | प्रतिनिधी
भांगरभूंय । प्रतिनिधी
वाळपयः गोंय- बेळगांव मजगतींच्या चोर्ला घाटांतल्या कर्नाटकांतल्या रस्त्याची दुरुस्तीचें काम त्या सरकारान हातांत घेतला. रोखडेच तें पुराय करतले.
कर्नाटकांतल्या हद्दींतल्या रस्त्याची अवतिकाय जाल्ल्यान ताचे वयल्यान वाहनां व्हरपाक त्रास जातात. पावसाच्या दिसांनी व्हो रस्तो धोक्याकें थारपाक शकता ताका लागून रस्तो सारको करपाची मागणी वाहनचालक करताले. हालींच कणकुंबीच्या माऊली देवस्थान जात्रेक हजारांनी भाविक आयिल्ले. वाहनांचे वर्दळीक लागून रस्त्यार फोणकुलां पडल्यात. ती जरी पुरयल्यांत तरी पावसाच्या दिसानी तीं परत उस्तवाची शक्यताय आशिल्ल्यान कर्नाटक सरकारान रस्त्याचें हॉटमिक्स डांबरीकरण करपाचें काम हातांत घेतलां.
गोंय हद्दींतल्या रस्त्याचें हॉटमिक्स डांबरीकरण जालां. कर्नाटकांतल्या हद्दिंतल्या रस्त्याचें काम पुराय जातगीर ह्या मार्गान वयल्यान येरादारी सुरळीत जातली. पावसाच्या दिसांनी चार्लो घाटांत पालसाणी कोसळच्यो न्हंय हे खातीर राष्ट्रीय म्हामार्ग प्राधिकरणात जायतें नियोजन केलां अशी खबर मेळ्ळ्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
