भांगरभूंय | प्रतिनिधी
शिवमोगा, खबरां संस्था ः कर्नाटकांतल्या बिदर जिल्ह्यांत साई स्फुर्ती पीयू कॉलेजींत एका विद्यार्थ्यान जानवें काडपाक न्हयका दिल्ल्यान ताका रिक्षेक बसपाक दिवंक़ ना. शेनवारा हें प्रकरण चर्चेंत आयलें आनी ताचेवेल्यान वाद निर्माण जालो. आतां ह्या प्रकरणांत प्राचार्य डॉ. चंद्रशेखर बिरादार आनी कर्मचारी सतीश पवार हांकां निलंबीत केल्यात.
शिवमोगा जिल्ह्यांतल्या आदिचुंचनागिरी शाळेंतूय अशीच एक गजाल घडली. जंय कॉमन एन्ट्रन्स टेस्ट (सीईटी) दिवपा खातीर आयिल्ल्या तीन विद्यार्थ्यांक तांचें जानवें काडपाक सांगलें. कर्नाटक ब्राह्मण महासभे वतीन पुलिशेंत कागाळ दाखल केली. आरोपी आड एफआयआर नोंद केली.
दोन प्रकरणां मुखार आयिल्लीं
कर्नाटकांतल्या बिदरांत परीक्षा दिवपाक गेल्लो विद्यार्थी सुचिव्रत कुलकर्णी हांणी, म्हजी १७ एप्रिलक गणिताची सीईटी परीक्षा आशिल्ली. हांव परीक्षा केंद्रार पावलों तेन्ना कॉलेजीच्या वेवस्थापनान म्हजी तपासणी केली आनी म्हजें जानवें पळयलें. तांणी म्हाका तें कांपपाक लायलें वाड काडून उडोवपाक लायलें. अशें केल्यारूच ते परीक्षेक बसपाची परवानगी दितले. हांव तांचे कडेन ४५ मिनटां मागणें करीत रावलों. मात निमाणें घरा परतुवचें पडलें. म्हजी मागणी आसा, सरकारान परत परिक्षा घेवची वा म्हाका सरकारी महाविद्यालयांत सुवात दिवची.
तिगां विद्यार्थ्यांक जानवें काडपाक लायलें
पुलिसांनी दिल्लेम्हायती प्रमाण, आदिचुंचनागिरी पीयू कॉलेजच्या परीक्षा केंद्रार सुरक्षा कर्मचार्यांनी तीन विद्यार्थ्यांक तांचें जानवें काडपाक लायलें. जेन्ना एका विद्यार्थ्यान न्हयकार दिलो तेन्ना ताका आडायलो. जाल्यार हेर दोगांनी परीक्षा हॉलांत प्रवेश करचे पयलीं जानवें काडलें.
परीक्षा कर्मचार्यांचो दावो
एका वरिष्ठ पुलीस अधिकार्यान सांगलें, जेन्ना आमी महाविद्यालयाच्या अधिकार्यांक विचारलें तेन्ना तांणी सांगलें, तांणी ही इमारत फक्त परीक्षा घेवपाक दिल्या. प्रवेश परीक्षा आयोजित करपाक वा ती सुलभ करपाक ताची कसलीच भुमिका ना.
घडणूक दुर्दैवी
कर्नाटकचे उच्च शिक्षण मंत्री डॉ. एमसी सुधाकर हांणी, ही घडणूक सामकी दुर्दैवी आसा. हें फकत शिवमोगामांतूच न्हय तर बिदर हांगाय जालें. आमी सगल्या धर्मांचो तांच्या श्रद्धांचो आदर करतात. असल्यो घडणुको खपोवन घेवचे ना. कर्नाटक परीक्षा प्राधिकरण, जे कॉमन एन्ट्रन्स टेस्ट आयोजीत करता. तांच्यांनी आजूनय कसलेंच अधिकृत विधान जारी करूंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
