भांगरभूंय | प्रतिनिधी
नवी दिल्ली, खबरां संस्था: संरक्षण मंत्रालयान आयतारा कर्तव्य पथार २६ जानेवारीक जावपी परेडी खातीर तिकेटींचे विक्रेची घोशणा केल्या. एका निवेदना प्रमाण, ७७ व्या प्रजासत्ताक दिसाची मुखेल परेड, बीटिंग रिट्रीटची फुल ड्रेस रिहर्सल आनी मुख्य बीटिंग रिट्रीट सुवाळ्याच्या तिकेटांची विक्री ५ जानेवारी सावन सुरू जातली. ही विक्री १४ जानेवारी मेरेन चालूच आसतली.
तिकेट सदांच सकाळीं ९ वरां सावन वाटप केल्ल्या कोटा सोंप मेरेन विकत घेवपाक मेळटली. तिकेटांचें मोल २० ते १०० रुपया आसा.
बीटिंग रिट्रीटच्या फुल ड्रेस रिहर्सलसाठी तिकेट २० रुपयांक, जाल्यार बीटिंग रिट्रीट सुवाळ्या खातीर तिकिटांचें मोल १०० रुपया आसा. तिकेटी ररारपींीरप.ोव.र्सेीं.ळप हांगा तुमकां ऑनलायन विकत घेवपाक मेळटल्यो.
मजगतीं, कर्तव्य पथाचेर पयलेच फावट लश्कराच्या रिमाउंट अँड व्हेटर्नरी विंगचीं जनावरां परेडींत वाटेकार जातलीं. हातूंत २ बॅक्ट्रियन उंट, ४ जास्कर टट्टू, ४ शिकारी सवणें आनी १० मिलिटरी सुण्यांचो आसपाव आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
