भांगरभूंय | प्रतिनिधी
हालींच्याच दिसांनी चेन्नय विमानतळ मिचोंग वादळा खातीर उदका पोंदा गेलें. ताचे पयलीं 41 कामगार बोगदो खणटना तातूंत 17 दीस आडकळून उरले. तशें बोगद्याची कामां करतना अडचणी येतात, पूण उत्तरकाशी जाल्ली घडणूक ही 17 दीस गाजली. हाका लागून आमी ऑस्ट्रेलिया वांगडा फारनल हरले. मागीर टी 20 माळ जिखले. तशेंच भाजपान तीन राज्यांचेर आपली सत्ता मेळयली. ह्यो गजाली फाटीं पडल्यो. बोगद्यातली घडणूक जावं, वा चेन्नय वादळान आयिल्लें उदक आसूं, आमकां शिटकावणी दिता ती म्हळ्यार जागे जायात करियर भितर लेगीत सदांच जागे रावप गरजेचें आसता. राज्य सरकारची नोकरेची संद मेळना जाल्यार केंद्र सरकारच्या फांट्याचो विचार करात. हाचे खातीर तुमकां लहान आशिल्ली नदर व्हड करची पडटली, आनी दुसरी गजाल म्हळ्यार राज्या भायर काम करपाची तयारी दाखोवपाक जाय.
हालींच वास्को शारांत कांय वाठारांनी उदकाक इंधनाचो वास येवपाक लागलो. ह्राा उदकाक उजो लागूंक शकता. खंयचे तरी टांकयेक गळटी आसा तातूंतल्यान हें इंधन झिरपता. खंयचे टांकयेक गळटी आसा हें सोदपाक संशोधक जाय पडटा. आतां जायत्या आर्टिफिशीयल साधनां वरवीं जायतीं कामा रोखडींच जातात. मागीर सोदून काडपाक अशें साधन उपेगी पडचें ना ? हांगा रोजगाराची संध आसा. बी एस एफ ही एक राष्ट्रीय मळा वयलो लश्ककरी फांटो. तुमी जर अमृतसराक गेले तर वाघा अटारी शिमेर जावपी सदांची परेड जरूर पळयात. ही परेड बीएसएफ फांटो कितलींशींच वर्सां सादर करतात. ह्या फांट्या भितर तुमकां जायती संध आसा. अक्षरशा सरकार तुमकां दत्तक घेता म्हणूं येता.
लश्कराचो एक लाव म्हळ्यार तुमकां सुरक्षीत सेवा दिता. ह्या फांट्यांत तरणाटे आसता. कारण जंय जवान हो जवानूच आसूंक जाय. 40 वर्सां पिराय जाली कि निवृत्ती आयली. हाचो अर्थ ह्या वाठारांत चडशी नोकरेची संध आसता. त्यांच्या संकेतथळा वरवीं तुमकां हाची म्हायती मेळूंक शकता. राष्ट्रीय दिसाळ्यांनी लेगीत हाची जायरात दिल्ली आसता. गोय सरकार स्टार्ट अप हाका जशी माजत करता तशी तांच्या शेतकी फांट्यान कांय येवजण्यो हाडल्यात. नाल्ल मीत्र ही एक येवजण. नाल्ल काडपी पाडेल्या खातीर आसा. जे कोण हो वेवसाय सुरू करपाक पळयतात. तांचे खातीर आधुनीक यंत्र सुरक्षा पट्टो (सुमार पांच हजार ) विमाे संरक्षण दिवपाची ही यवजण आसा. हो वेवसाय तुमी केलो जाल्यार तुमी बेकार उरचेनात. खेरीज तुमी रावता त्या वाठारांत हो वेवसाय करूंक शकता.
आमच्या भलायकी फांट्यान प्रथमोपचार ही येवजण चालीक लायल्या. ताचो लाव ५ हजार नागरिकांनी घेतला. दरेक घरांत ही येवजण व्हरपाची तांची मोख आसा . हातूंतल्यान दोतोर येवचे पयलीं कसले उपचार करपाक जाय ? हाचेर दोतोरूच म्हायती दिता. चड खेपे अपघात जालो झाल्यार 108 इ एम आर आय ह्या सेवेक लोक फोन करून आपयतात. ही कितें वायट गजाल न्हय. पूण ती येवचे पयलीं जर तुमी प्रथमोपचार दुयेंतीक दिलो जाल्यार त्या दुयेंतीचे नदरेन बरी गजाल. ताचो जीव वाटावपाक तुमी माजत करतले. खरे तर हाची म्हायती सगळ्यांनी घेवपाक जाय. वाहन चलोवप्याक तर खबर आसुंकूच जाय. तुमी स्वयंसेवक म्हूण हाचें प्रशिक्षण घेवन लगींच्या शाळांनी कॉलेजींनी प्रचार करूंक शकतात. हातूंतल्यान तुमकां घडये पयशे मेळ्ळे ना तरी समाधान जरूर मेळटलें. खेरीज फुडले जिणेंत तुमकां ताची माजत जातली. कशें उलोवपाचें? आत्मविश्वासा सारख्यो करियराक जाय पडटात ह्यो गजाली तुमी शिकूंक शकतले. एक नागरीक म्हूण तुमी सरकराच्यो तुमकां आवडटात त्यो येवजण्यो लोका लागीं व्हरूंक शकता . खूबशे फावटी आमी एखादी वस्त विकती घेतात. पूण ताचे पसून कितें खबरदारी घेवप हें आमी शिकनात. हातूंत अर्थीक मिळकत ना. हें एक कारण आसूं येता. पूण नागरीक म्हूण आमचे कर्तव्य आसता. खरें तर जे आमकां ड्रायवींग लायसन दितात ताची ही जबाबदारी आसूंक जाय. पूण तसो कायदो ना. तो जेन्ना जायत तेन्ना जायत, पूण तुमी एक कर्तव्य म्हूण हें काम करात.
प्रा रामदास केळकार
9822583275
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
