भांगरभूंय | प्रतिनिधी
भांगरभूंय । खेळां मेज
पणजीः गोंयच्या करिना शिरडोकारान इतिहास रचतना पेंचाक सिलाट सर्तींत गोंयांक आयतारा भांगरा पदक जिखून दिलें. 37व्या राष्ट्रीय खेळां सर्तीतलें गोंयचे हें दुसरें भांगरा पदक आसा. गोंयचे खेळगडे सागर पालकोंडा, सिराज खान आनी मोहम्मद इरफान खान ह्या तिगांनी मेळून सांघीक पेंचाकसिलाट सर्तींत कांस्या पदक मेळयलें. ह्या कामगिरीक लागन गोंयची वट्ट पदकां 23 जाल्यांत.
पणजेच्या काम्पाल खेळां मेदानार जाल्ले सर्तींत 23 वर्सां पिरायेच्या करिना शिरोडकारान फायनलींत जम्मू- काश्मीराच्या जिया चौधरीक हारयतना बायलांच्या तांडिग 80-85 किलो प्रकारांत 30-15 अशें जैत मेळयलें. करिनान आपली घरची तशेंच गोंयच्या समर्थकांचे हाजेरीत नेटान सुरवात करतना सुरवेकूच 11-8 अशी आघाडी घेतली. ते उपरांत ताणे फाटी पळयलें ना.
गोंयचें बरें येस
मजगतीं, राष्ट्रीय खेळां सर्तींत पेचाक सिलाटांत गोंयान बरें येस मेळयला. येजमान पंगडाक तांडिंगांत अँस्लेट सेबेस्तियान (बायलो 55-60 किलो), कलो फुर्तादो (बायलो 75-80 किलो), आशा नायक (बायलो 65-70 किलो), मोहम्मद इरफान खान (दादले 65-70 किलो), गणपतराव देसाय (दादले 75-80 किलो), सागर पालकोंडा (दादले 85-90 किलो) आनी सिराज खान (दादले 90-95 किलो) हांणी कांस्य पदक मेळोवन दिलें. पेंचाक सिलाटांतल्या ह्या येसाक लागून गोंया हे सर्तींत आतां 2 भांगराची, 4 रुप्याची आनी 17 कांस्या पदक सयत वट्ट 23 पदकां जिखल्यांत.
तायकांदो राष्ट्रीय खेळां सर्तीचो एक वांटो आशिल्ल्या पेंचाक सिलाटांत गोंयां खातीर भांगरा पदक जिखपाक शकलें हाची म्हारा खूब खोस जाता. म्हारा मार्शल आर्टाची आवड आसा आनी म्हयन्यां पयलीं हावें व्हो खेळ शिकपाक सुरवात केल्या आनी म्हाका तो आवडला. अशे तायकांदो प्रकारांत राष्ट्रीय पांवड्यार भांगरा पदक मेळयल्ल्या करिना शिरोडकारान आपल्या जैता उपरांत प्रसार माध्यमांक सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
