भांगरभूंय | प्रतिनिधी
भांगरभूंय । प्रतिनिधी
केरी-सत्तरीः राज्यांतल्या वेगवेगळ्या विद्यलयांत कराटेचें प्रशिक्षण दिवपी प्रशिक्षक विष्णू नायक हांचें मार्गदर्शन मेळल्ल्या पंगडान बोरये हांगच्या स्वामी विवेकानंद हायस्कूल सभाघरांत आयोजीत केल्ल्या राज्य कराटे सर्तींत 154 पदकां मेळोवन उत्कृश्ट पंगड म्हणून भोवमान मेळयलो.
इनाम भेटवण कार्यावळीक उदकास्रोत मंत्री आनी शिरोडें मतदारसंघाचो आमदार सुभाष शिरोडकार, स्वामी विवेकानंद विद्यालयाचो सचीव मीनानाथ उपाध्ये, प्राचार्य सुब्रह्मण्यम भट, यामिनी मडकयकार, पंच विनय बोरकार, आदलो सरपंच कमलाकांत गावडे, ब्रम्हानंद सावर्डेकार, विष्णू नायक, दत्तप्रसाद सांगेकार, उदय कुमार, मंदार गणपुले, संतोष नायक, दत्त नायक, मनुराय नायक हाजीर आशिल्ले.
सर्तींतले पयले इनाम विष्णू नायक (साटोण) हांच्या पंगडाक फावो जालें. दत्ता नायक, फोंडे हांच्या पंगडाक दुसरे, उदक कुमार (काणकोण) हांच्या पंगडाक तिसरें आनी दत्तप्रसाद सांगेकार (सांगें) हांच्या पंगडाक चवथे, मनुराय नायक (बोरये) हांच्या पंगडाक पांचवे आनी संतोष नायक (सावड्डें) हांच्या पंगडाक सव्वी सुवात मेळ्ळी.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
