भांगरभूंय | प्रतिनिधी
भांगरभूंय । प्रतिनिधी
पोरणो गोंयः गोंयचो फेस्तकार मारियूस फर्नांडीस हाच्या फुडारपणा खाला पोरण्या गोंयच्या कृशी म्हाविद्यालया वतीन करमळी हांगा पातोळ्यांचें फेस्त जालें. भोव कार्यशाळा, संगीत आनी लोक नाच ह्या वेळार सादर केले. गोंयच्या फेस्तकारान करमळे आयतारा आयोजीत केल्लें हें 79वें फेस्त आशिल्लें.
ह्या वेळार पातोळ्यो करप, बाटिका आनी मल्लां तयार करपाचें प्रशिक्षण दिलें. कृशी म्हाविद्यालयाच्या विद्यार्थ्यांनी तशेंच करमळीच्या तरणाट्यांनी आनी फेस्तांत वांटेकार जाल्ल्या लोकांनी मनरिजवणेच्यो कार्यावळी सादर करून लोकांची मनरिजवण केली. अदूं सुकूर हांगा पातोळ्याचें फेस्त आयोजीत केल्लें. ते उपरांत साल्वादोर द मूंद आनी मडकय उपरांत आतां करमळी तें आयोजीत केलां अशी म्हायती फर्नांडीस हाणे दिली.
लोक पाताळ्यांचें फेस्त आयोजीत करपाक अर्थीक मजत करतात गोंयचें गोड खाण पातोळ्याच्या म्हायती लोकांक दिवपा खातीर अश्या फेस्ताची मजत जाता. नाचणे हें गोंयकाराचें अन्न आसा. गोंय कृशी म्हाविद्यालयांत ताचें उत्पादन करपाचेर चड भर दितात अशेंय फर्नांडीस हाणे सांगलें. फेस्त आयोजीत करपाक म्हाका व्हडली सुवात नाका. देवूळ, चर्च, वा फुटबॉल मैदानार तें आयोजीत करपाक जाता. थळावे लोक तें आयोजीत करपाक जाता तितली मजत करतात. पय़शां बगर तें अडून उरना अशेंय ताणे सांगलें. ह्या फेस्ता निमतान आमच्या विद्यार्थ्यांक तशेंच शिक्षकांक गोंयच्या संस्कृती विशीं बरीच म्हायती मेळ्ळी असें गोंय कृशी म्हाविद्यालाचे प्राचार्य डॉ सुरेश कुकळ्ळकार हाणे सांगलें. आवेलिनो डिसा, मिंगेल ब्रागांझा, ज्येश्ठ पत्रकार प्रकाश कामत फेस्ताक हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
