भांगरभूंय | प्रतिनिधी
भांगरभूंय । प्रतिनिधी
काणकोणः बॉक्सायटाची येरादारी करपी के 22 डी 1180 ह्या नंबराचो ट्रक बाळ्ळीच्यान येतना करमलघाटांतल्यान देंवतना एका साकवाचे राखणे वण्टीक आपटून रस्त्या कुशीक लंवडून पडपाची घडणूक मंगळाराक सकाळीं जाली. सुदैवान ड्रायव्हर आनी क्लिनराक कांय जालें ना.
देंवतेर आशिल्ल्या एका व्हल्ताचेर फुडल्यान येवपी दोन वाहनांक सायड दितना ट्रक साकवाक आपटलो आनी ड्रायव्हाराचें नियंत्रण गेल्ल्यान तो एकवेटन लंवडलो. करमलघाट सोपता थंय आगोंद बायपास रस्त्या लागी हो अपघात जालो. हे सुवातेर थळाव्यो बायलो भाजी आनी हेर म्हाल विकपाक बसतात. ताचे दुसरे वटेन व्हो ट्रक लंवडलो.
करमलघाट रस्तो गुळें हांगा सामको अशीर आसा आनी थंय अपघात जायत आसतात. ह्या रस्त्याच्या रुंदिकरणा खातीर केंद्र सरकारान 4.9 कोटी रुपये मंजूर केल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
