भांगरभूंय | प्रतिनिधी
साने गुरुजी काथामळ दिवचल केंद्र कथाकथन सर्त दबज्यान
दिवचल: साने गुरुजी कथामाळ दिवचल केंद्राचो 2023 चो कथाकथन मेळावो छत्रपती शिवाजी महाराज शिक्षा संकूल दिवचले जालो.
पारूं वर्सा पयलो क्रमांक मेळयिल्ले विद्यार्थी, परिक्षक आनी कथामाळेचे पदाधिकारी हांचे हस्तुकीं दिवली पेटावन आनी साने गुरुजींच्या फोट्याक फुलांहार घालून कार्यावळीचें उक्तावण केलें. कु. कीर्ती उमर्येन संगीत दिल्ल्यो प्रार्थनां विद्यार्थिनींनी सादर केल्यो.
प्राथमीक, उच्च प्रथामीक आनी माध्यमीक अशा तीन गटांनी सर्ती आयोजीत केल्ल्यो. तिनूय गटांनी मेळून 123 विद्यार्थी वांटेकार जाले, आनी दरेक गटांत पयल्या धा क्रमांकाक इनामां भेटयलीं. सगल्या स्पर्धकांक सहभाग, प्रमाणपत्र आनी दिवचल केंद्राचे अध्यक्ष श्रीकृष्ण धोंड हांणी आपले आयवचे यादीन दिल्लीं यादस्तिकां भेटयलीं. तशेंच टोपले कॅटरर्स दिवचलचे धनी निलेश टोपले हांणी आपले आवयचे यादीन दवरिल्ल्यो धाली दरेक गटांतल्या पयलो क्रमांक मेळयिल्ल्या स्पर्धकांक भेटयल्यो.
सर्तींत प्राथमीक गटांत पयलो क्रमांक मायरा कौस्तूभ पाटणेंकार, श्रीशांतादुर्गा विद्यालय दिवचल, दुसरो क्रमांक शिवानी व्यंकटेश मराठे, श्रीविठ्ठल रखुमाय सरकारी मुळावी शाळा सांखळी, तिसरो क्रमांक ग्रंथा म. मळीक सरकारी मुळावी शाळा कुडणें हांकां इनामां फावो जालीं.
तशेंच जुई हर्षवर्धन गर्दे, आयडियल हायस्कूल पिळगांव, श्रवी विशाल सुर्लकार दयानंद हायस्कूल चोडण, अनया वि. गांवस सरकारी मुळावी शाळा बोर्डे, शिवप्रीत सं. गांवकार के. ब. हेडगेवार प्राथमीक विद्यालय सांखळी, जिवल सु. खरात सरकारी मुळावी शाळा नानोडें, आरोही दीपक वेरेंकार से. एन्स मुळावी शाळा सांखळी आनी निलया उदयराज मोने सरकारी मुळवी शाळा बोर्डे दिवचल हांकां उमेद वाडोवपी इनामां भेटयलीं.
उच्च प्राथमीक गटांत निहारिका निलेश पाटील सरकारी हायस्कूल नावेली, वीरा प्र. नायक के.ब. हेडगेवार सांखळी आनी ऋग्वेद अभय बर्वे के. ब. हेडगेवार हायस्कूल, हांकां वळेरेन पयलें, दुसरें आनी तिसरें इनाम फावो जालें.
उमेद वाडोवपी इनामां हर्षदा अ. देसाय अवर लेडी हायस्कूल दिवचल, मिहीर महेश उमर्ये शांतादुर्गा दिवचल, ऋचा म. सावंत प्रो. हा. साखळी, श्रुश्टी प्रितेश गांवस सरकारी हायस्कूल नावेली, नित्या अतुल पटवर्धन शांतादुर्गा हायस्कूल दिवचल, सायली म. चोडणकार दयानंद हायस्कूल चोडण आनी श्रीशा द. चोपडेंकार विजयानंद हायस्कूल तिखाजन मयें हांकां फावो जालीं.
माध्यमीक गटांत पयलो यशराज जितेंद्र बांदेकार के. ब. हेडगेवार सांखळी, दुसरें मनस्वी नंदा माजीक के. ब. हेडगेवार सांखळी आनी तिसरें जान्वी दीपक पार्सेकार आयडियल हायस्कूल पिळगांव हांकां फावो जालीं.
उमेद वाडोवपी इनामां भितर रिश्वा सतीश गांवस, दुर्वा स. गाड महालक्ष्मी हायस्कूल कुडणें, गार्गी प्रीतम चोडणकार आयडियल हायस्कूल पिळगांव, मानस फडके शांतादुर्गा हायस्कूल दिवचल, सायली स. सावंत के. ब. हेडगेवार सांखळी, रश्मी अ. देसाय आवरलेडी हायस्कूल दिवचल आनी आर्या स. नायक शांतादुर्गा हायस्कूल दिवचल हांचो आस्पाव आसा.
सर्तींत चलयांचेंच वर्चस्व दिसून आयलें. दिवचल केंद्राचे कार्यकर्ते संजय सालेलकार आनी श्रद्धा धोंड शेट्ये हांणी सुत्रसंचालन केलें.
इनामां भेटवण कार्यावळीक मुखेल सोयरे डॉ. कौस्तुभ पाटणेंकार हांणी हाजीर आशिल्ल्यांक मार्गदर्शन केलें. डॉ. पाटणेंकार, कथामाळेचे हाजीर आशिल्ले कार्यकर्ते आनी परिक्षकांचे हस्तुकीं इनामां भेटयलीं. कथामाळेचे कार्याध्यक्ष अशोक तिळवी, ज्येश्ठ नागरीक सूर्यकांत देसाय हे मानेस्त हाजीर आशिल्ले.
अश्विनी लामगांवकार, अश्विनी पटवर्धन, सौ. येडवे, प्रमोद येडवे, श्रद्धा धोंड शेट्ये तशेंच अरुणा पाटणेंकार बी हांणी परिक्षक म्हूण काम पळयलें.
दीसभर चलिल्ल्या ह्या मेळाव्याक शिक्षक आनी पालकांची व्हड प्रमाणांत हाजेरी आशिल्ली. कथामाळेचो राज्य पांवड्या वयलो कथाकथन मेळावो ह्याच सभाघरांत 24 डिसेंबराक जातलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
