कण कण    

भांगरभूंय | प्रतिनिधी

वळेसर

कितले पयशे जोडले, कितली गिरेस्तकाय भरली, हें म्हत्वाचें न्हय. पूण जियेलो कसो, नातीं तिगयलीं कशी?! आपलेंपण , समजीकाय, माया, मोग?? सगल्यांक मोटो ‘बॅलन्स,’ समतोल. पयशाचीं तागडी आनी घराब्याचो तोल. हाकाच जीण….. म्हणटात…… तो सांबाळटा सांबाळटा रेसीचो घोडो, केन्ना रथाचे चाक चिखलांत मुंगरीनासताना भरधाव वेगान गाडी धावली  म्हणल्यार जिविताचें सार्थक. माधव शेट हाकाच जीण म्हूण जगतालो. 

आराम खुर्चेचेर बशिल्ले कडेन दोळ्यां सामकार उबो रावलो……सगळो भार…..कारभार….वेपार,  वेव्हार. बापायचो पयसो असोच फोल्गां मारपाक जाय तसो उधळुं येतालो…..पूण ना. घराब्याचें नांव ताका आडमेळें घालताले. 

‘ना हांव पापाचें नांवाक खत लावचो ना’. 

‘इंजिनियर ना, तर वेपारांत उडी घे’ पापाच्या सांगातान वेपार शिकलो. पूण पगारार. पापान ताकाय पगार दिवचो असो तांणे हट्ट धरलो. म्हयने, वर्सा गेली स्वकश्टांचेर कशें उबें रावचें शिकलो. पापाल्या नेमांक पाळो दितां- दितां वेपारी जालो. आपलें स्वताचें भांडवल तयार केलें.

‘कण- कण’ एक एक पयसो कसो जोडप हें शिकत पापाची श्रीगणेशा चिरत आंखणी, बांदणी पुराय करीत सर्वगुणसंपन्न जालो. चौकस नदर, वेव्हार कुशळतायेन पारंगत जालो. 

‘माधव आता ह्या कदेलार तूं बरो सोबतलो म्हाका इल्लो सुशेग घेवनी’

‘ना पापा कदेलार तुमीच, हांव सगळें तुमचे मनां प्रमाणेच करतलो.’ 

पापाच्याच आदारान मोटो वेपारी जालो. नांव पापाचें, कश्ट माधवाचे, नेम पापाचे, फेम पापाक

‘Never stop learninh because life never stops teachings’

पापाची उतरां तागडेंत जोखत माधवान सायकलीच्या दोन टायरांचेर ‘टायब्रेकराच्यो’ गेमी जिकून दाखयल्यो. क्रिकेटीच टॅवेन्टी टॅवेन्टी…..राजस्थान  रॉयल….. खेळगडे विकते घेवपाची जापसालदारकी सांबाळ्ळीं. कोट्यांनी रूपयांच्या वेव्हारांत कोट्यांनी जोडले. दान दिले, गरीबां खातीर शाळा, धर्मशाळा, संस्थानां उबारलीं. अशें करतना अहंकार खंयच आड आयलो ना.

‘पापा आता तुमकां त्रास जातात जाल्यार घरा इल्लो सुशेग घेतल्यार कसो ?’

माधवाच्या उतरांनी पापाक शिटकावणी दिली. ‘व्वा! पळय मनांतली तळमळ ल्हान तणांत जशें बळगे तितलेंच एका एका जिविताच्या कणांत. व्हडली बुट्टी आयल्यार लेगीत तणांचें पातें धर्तरेर घट उबें रावता. पूताची धीटाय आनी पावली मारपाची पध्दत पापाक समजली. पापा धादोसकायेची जाण जगतालो. 

‘पापाचेंच हें गिन्यान मुखार चौगांत वाटले तर आमचे राज्यांतल्या वेपाऱ्याक ताचो फायदो जातलो’.

मागीर लागलो नेटान कामांक राजस्तरीय परिशदो भरून आपल्या  वेपारी वर्गाक ट्रेन केलें. 

‘मिस्टर माधव…… हाव मच यू …..डू…यू. मेक अस बाव डावन. थॅक्स सर’.

‘हें कितें म्हाका थॅक्यू म्हणप म्हणल्यार  सगळें फेल. पापाक कळत जाल्यार…..प्लीज नो थॅक्स!’

‘तें तुमचें मोटेपण. यू आर ग्रेट’.

राज्यांतले सगळें ताच्या बरोबरचे वेपारी मंडळ, पुराय युनिट  तांकां ‘सॅल्यूट’ करतालो. तांचे मदीं, आपसांत जायतें उलोवप, संवाद, जाताले. अशें माधवा सारकें व्यक्तीत्व सोदल्यार मेळचें ना. 

‘आसलें म्हूण दान कोण दिता ?’

‘हय हांव तेंच म्हणटा. दिसीझ हीज हार्ड अर्नड……मनी’

‘म्हणूनच चड वायट दिसता. तांकां कांयच दिसना’.

‘पापाचें नांव पूण गाजयलें. बापूय, तसोच पूत’. 

इतलें सगळे जरी दिसले तरी …..जीण म्हणटा तितली व्हांवते न्हंयेवरी नासता. माधवाचे जितले हितचिंतक आशिल्ले तशे तितलेच ताका उदकांत पळोवपीय आशिल्ले.

आपलेच मनीस म्हणटात तेच कांय फावट पांय ओडटात. माधवाचो बापोलभाव फाटले वटेन ताका धुतालो. भलतीच आडमेळी तयार करतालो. माधव मात सगळें पापाक लेगीत कळयनासताना ताका समजीकायेन माघार घेवंक बाध्य करतालो. A clever person solves a problem, A wise person avoids it.

आयज आपल्या घराब्याक तोखेताना पापाक आपल्या व्हडल्या पुताचो अभिमान दिसतालो. चौग जाण पूत पूण हेरांक मजा हेच लायफ दिसतालें. माधव मात सामकोच वेगळो…. खाशेलो. तिगूय जाण पापाच्या नेटार भपके मारतालें. माधवाक असले कांयच सुचनासले. तो जें बरें तो कृतीक हाडटालो. 

कितलेशेंच पालक माधव, मिस्टर माधव हांची जीण उदकांवरी क्रिस्टल क्लीअर धबधब्यावरी सतत धांवपी…..फुडें ल्हान न्हंयांचे फांटे करीत दर्यांत मेळपाची धीटाय करपी म्हूण तुस्त करताले. तुस्त, पुरस्कार, नामना, असल्या छंदाक, आडखळ नासताना माधव धा पावला ताचेपरसूय फुडे पाविल्लो.

‘म्हाका फकत ‘मनीसपण’ जाय. हाका पाळो दिवन हांव उबो रावतलों. पापाची ही देख केन्नाच विसरचो ना. जात, कात, धर्म, रूढी, परंपरा, दुर्बळ, गिरेस्त ह्यो वण्टी मोडून माधव व्हडलीं धेंपां मारतालो. ‘कण-कण में भगवान’ म्हणटात तशें कणां कणांत मान, सपन, श्रद्धा, भावना, फुडार, उपकार, माया…..सगळें जगत आनी जागयत माधव जैतीवंत जालो. 

‘निर्भीड मन,’ असंख्य स्वबळ आत्मविश्वास हें करतना पापा आनी हेर जाणट्या जेश्ठांचो आशिर्वाद…..लॉग लिव्ह पापा! लॉग लिव्ह कण कण ….माधव द ग्रेट’.

 – विजया शेळडेकार