भांगरभूंय | प्रतिनिधी
बेळगावः खानापूर तालुक्यांतल्या कणकुंबी चेकपोस्टा लागसार आपलीं जनावरांक चरपाक घेवन गेल्ले मनशाचेर वांश्वेलान हल्लो केलो. हातूंत तो गंभीर जखमी जालो.
मेळिल्ले म्हायती प्रमाण, बुधवारा सकाळीं दशरथ वरंडीकार (60) हो गोरवांक चरपाक घेवन रानांत वतना वांश्वेलान ताचेर हल्लो केलो. तांच्या तोंडाक गंभीर जखम जाल्ल्यान ताका उपचारा खातीर बेळगांव जिल्लो हॉस्पिटलांत व्हेला. खानापूर रानां आनी पुलीस अधिकाऱ्यांनी घडणूक सुवातेक भेट दिवन तपासणी केल्या.
कांय दिसां आदीं जोयडा तालुक्यांतल्या उडसा हांगा दनपारां शेतांत काम करपी तुकाराम देसाय (45) ह्या शेतकाराचेर अचकीत दोन वांश्वेलांनी हल्लो केलो. हल्ल्यांत देसायाच्या तोंडाक, तकलेक आनी हाताक गंभीर घावे जाल्यात. तशेंच कांय दीस आदीं सिंधुदुर्गांतल्या दोडामार्ग तालुक्यांतल्या एका शेतकाराचेरूय वांश्वेलान हल्लो केलो.
मजगतीं, सध्या रानां लागसारच्या गांवांनी रावपी लोकांचेर वांश्वेलांनी हल्लो करपाची घडणूक वाडिल्ल्यान शेतकार तशेंच लोकां मदीं भंयाचे वातावरण निर्माण जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
