भांगरभूंय | प्रतिनिधी
विदेशी नंबर ब्लॉक जाले उपरांत फ्रॉडांत भारताच्या क्रमांकाचो वापर सुरू
जोधपूर, खबरां संस्था: नंबराक लागून जावपी सायबर फटींगपणांक लागून लोक अलर्ट जाल्यात. हाका लागून चोरांनी नवो उपाय सोदला. आतां भारतांतलें सीम घेवन ताचे वरवीं ऑनलायन फ्रॉड करतात. ह्या चोरांचें एक नेटवर्क पुलिसांनी डिकोड केलां. हातूंत कंबोडियाची लिंक मेळ्ळ्या. भारतांतल्यान थंय व्हडा प्रमाणांत सिम कार्डां पाविल्ल्याचें उक्तें जालां. देशभरांतल्यान हेरांचे आयडीन बनावट सिमकार्ड काडून फटींगपणाचो खेळ खेळटात.
हें जोधपूर आयुक्तालयान एका ठाण्यांत दाखल ६० लाख ८० हजार रु. फटींपणाच्या प्रकरणाचे चवकशे मजगतीं उक्ताडार हाडलें. एडीसीपी निशांत भारद्वाज हांच्या नेतृत्वा सकयली टीम फटींगपणा वेळार वापरिल्ल्या मोबायल नंबराचें लोकेशन तपासतना मुंबय मेरेन पावले तेन्ना ज्या नंबरान चोरांनी दोतोराक आयपीओंत गुंतवणुकेच्या नांवान कॉल करून फटयिल्लो, तो कॉल कंबोडियांतल्यान केल्लो. पुलीस आतां ह्या प्रकरणाची म्हायती जमा करून फुडलो तपास करतात. देशांतल्या एका आस्थापनान १ म्हयन्यांत २५ कोटींचें रिचार्ज केलें. पुलिसांनी रिचार्ज करपी कंपनीक नोटीस दिल्या.
अशीं केलीं फटींगपणां: पयलीं ग्रुप जॉयन करून घेतलो
डॉ. तेजपाल फिडोदांक फेक स्टॉकांत ट्रेडिंग SCITOP नांवाचें अॅप जॉयन करपा खातीर लिंक मेळ्ळी. दोतोरान लिंकाचेर वचून ग्रुप जॉयन केलो. तातूंत ग्रुप डमिन सयत पांच क्रमांकान चॅट केली. तांणी स्टँडो चार्टर्ड वेल्थच्या नांवान ग्रुप केल्लो. दोतोराक कंपनीचे इन्स्टिट्यूटशन अकावंट जमा करपाक, शेअर मार्केटांत गुंतवणुकीचेर ४ म्हयन्यांत ५ ते ७ पट फायद्याचे हांयस दाखयलें. उपरांत तो फटवलो
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
