भांगरभूंय | प्रतिनिधी
नवी दिल्ली, खबरां संस्था: देशांत कंझ्युमर्स ड्यूरेबल प्रॉडक्टांचेर वॉरंटी काळ वाडला. कारण मुखेल कंपन्यो आपलें वर्चस्व तिगोवपा खातीर आपल्या उत्पादनांचेर चड काळ वॉरंटी दिवपाक लागल्यात.
देशांत एलजी, सॅमसंग, हायर, गोदरेज अश्या जायत्या ब्रॅण्ड्सांनी आपल्या मुखेल उत्पादनांच्या कांय घटकांचेर आकर्शक अशी वॉरंटी दिवपाचें थारायलां. एसीचो कॉम्प्रेसर आतां १० वर्सांच्या वॉरंटी सयत उपलब्ध जावपाचो आसा. वॉशिंग मशीन आनी डिशवॉशर्सच्या मोटर्सांचेर कंपन्यो २० वर्सां मेरेन वॉरंटी ऑफर करपाक लागल्यात. कंपन्यो ’लायफटायम’ गॅरंटीच्या नांवान तांची मार्केटींग करपाक लागल्यात.
एकंदर प्रॉडक्टांच्या वॉरंटींत व्हड बदल ना. हीं उत्पादनां तीन वर्सांच्या वॉरंटीनूच मेळटलीं. किरकोळ विक्रेत्यांच्या म्हणण्या प्रमाण ३५ वर्षांचो गट आकर्शीत जाल्ल्यान विक्री वाडल्या.
ह्या वॉरंटी युद्धाक लागून गिरायकांच्यो संवयो बदलप शक्य
तज्ञांच्या म्हणण्या प्रमाण लोक दर ५ ते ८ वर्सांनी डिव्हायज अपग्रेड करतात. चड काळ वॉरंटीची ऑफर गिरायकांच्या नव्या तंत्रज्ञानविशींचे सवयेंत बदल घडोवन हाडपाक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
