भांगरभूंय | प्रतिनिधी
नवी दिल्ली, खबरां संस्था : औरंगजेबाची कबर केंद्र वा राज्य सरकार कायदेशीरपणान खणून नश्ट करपाक मेळना. कारण तिका केंद्र सरकाराक पुरातत्व सर्वेक्षण विभागाची राखण आसा. ती खणल्यार तीन म्हयन्यांची बंदखण आनी पांच हजारांचो दंड अशी ख्यास्त जावं शकता. कायद्यान कबरी पसून १०० मिटर अंतराचेर खणपाक बंदी आसा. आदलीं स्मारकां १९५८ च्या कलम २४ वरवीं आदलीं स्मारकां, थळां, अवशेश म्हत्वाचें म्हूण जाहीर केल्यात.
औरंगजेबाची कबर देडशे वर्सां पयलीं एका इंग्लीश अधिकाऱ्यान पळयली आनी निजामाक ती दुरुस्त करपाक सांगलीं. ताणें ती दुरुस्त केली.
औरंगजेब ३ मार्च १७०७ दिसा अहमदनगरांत मेलो. ताणें आपलें दफन अध्यात्मिक गुरू सय्यद जैनुद्दीन शिराजी हांच्या खुलदाबाद गांवांतल्या दर्ग्या लागसार करचें अशी इत्सा उक्तायिल्ली. औरंगजेबाच्या चल्यान ही कबर बांदिल्ली. निमण्या संस्कारा वेळार कोणाक सांगचें न्हय, गाजोवाजो करचो न्हय, कबर सामकी सादे पद्दतीन बांदची. ते खातीर आपूण पयशे दितलों, अशें औरंगजेबान म्हणिल्लें. ताचे इत्से प्रमाण, चलो आझम शाह हाणे १४ रुपया १२ आणे खर्च करून ती बांदिल्ली. हे पयशे औरंगजेबान टोपी विणून आनी विकून जोडिल्ले. निमणे संस्कार चलो आझम आनी चली झीनत उन निसा हिणें केल्ले.
औरंगजेबाचे निमणे इत्से प्रमाण, हे कबरीचेर वर्सांतल्या फक्त एकदां धवें कापड घालतात. हेर चादरी, वस्रां घालीनात. थंय उरुस वा कसलीच कार्यावळ करीनात.
ह्याच दर्ग्यांत पयलो निझाम असफ जाह १ , ताचो पूत नसीर जंग, औरंगजेबाचो चलो मुहंमद आझम शाह आनी ताचे बायलेची कबर आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
