भांगरभूंय | प्रतिनिधी
S1 X+ ची देशभरांत डिलिव्हरी
पणजी, बातमीदार ः भारताची सगळ्यांत व्हडली ईव्ही कंपनी ओला इलेक्ट्रीकान एन्डआयसीइएज मिशनाक गती दिवपा खातीर ‘डिसेंबर टू रिमेम्बर’ मोहीमेची घोशणा केल्या. हे मोहिमेक खाला S1 X+ आतां 20,000 रुपया सवलतीन मेळटा, जाका लागून S1 X+ ची किंमत फकत 89,999 रुपया जाल्या. हाका लागून S1 X+ ही बाजारांतली सगळ्यांत सवाय 2W EV स्कुटर थारला. देखून बाजारांत ही स्कुटर बेगीनाच फामाद जातली. S1 X+ ची देशभरांत डिलिव्हरी सुरु जाल्या.
S1 X+ परवडपी दरांत उच्च कार्यक्षमताय, प्रगत तंत्रज्ञान वैशिश्ट्यां आनी उत्कृश्ट रायड क्वालिटी दिता. स्कुटर 3kWh बॅटरी वांगडा येता आनी 151 किमी ची प्रमाणीत व्याप्ती दिता. 6kW मोटाराचो पॉवर आशिल्ली S1 X+ 0-40 किमी प्रति वराक 3.3 सेकंदांत स्पर्श करता आनी 90 kmph ताची गती जावन आसा.
देशांत ईव्हीक आनीक वाडोवपा खातीर कंपनीन 3 डिसेंबर सावन ‘डिसेंबर टू रिमेंबर’ मोहीम सुरु केल्या, तातूंत आकर्शक ऑफर आनी सवलतीच्यो येवजण्यो आसात.
ओलाचे मुखेल मार्केटिंग अधिकारी अंशुल खंडेलवाल हांणी सांगलें, नोव्हेंबर म्हयन्यांत 30 हजार युनिटांची विक्रमी विक्री करून ओला इलेक्ट्रीक कंपनीन नवो उद्देगीक बेंचमार्क स्थापन केलां. आमच्या स्कुटरांचे विस्तृत श्रेणी सयत तांचे आकर्शक दर गिरायकांक आतां आयसीई उत्पादन खरेदी करपाक सोंपें जातलें हाची म्हाका खात्री आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
