भांगरभूंय | प्रतिनिधी
पणजी : मोपाच्या रानांत पाविल्लो ओंकार हत्ती आयज सकाळींच सिंधुदुर्गांत पाविल्ल्यान मोपाच्या लोकांचो भंय गेलो. हतयान गोंयची शीम पार केल्ल्यान ड्रोनाचे मजतीन ताचेर रान खात्याच्या पंगडाची नदर आशिल्ल्याची म्हायती उपवनपाल (डीसीएफ) जीस वर्की हांणी दिली.
सिंधुदुर्गचो ओंकार हती शेनवारा रातीं मोपाच्या रानांत पाविल्ल्यान थळाव्यां मदीं भंयाचें वातावरण निर्माण जाल्लें. हती खोल बागवाडी – नेतर्डे हांगा पाविल्ल्याची म्हायती सिंधुदुर्ग रान विभागान दिली.
वाट चुकिल्ल्यान हती मोपाच्या रानांत पाविल्लो. सिंधुदुर्ग रान विभागाचे मजतीन ताका धांवडावपाचे यत्न चालूच आशिल्ले. सकाळच्या सुमाराक तांणी गोंयची शीम हुपिल्ल्याचें ड्रोन सिग्नलाच्या आदारार स्पश्ट जालें. तो हती परत येवपाची शक्यताय आसा. ग्रामस्थानी शिटूक रावचें, असो उलो उपवनपाल जीस वर्की हांणी मारलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
