भांगरभूंय | प्रतिनिधी
कटक, खबरां संस्था: कॉलेजींतले चलयेचेर बलात्कार केल्ल्या प्रकरणांत पुलिसांनी स जाणांक अटक केल्या. भितर एकलो नेण्टो चलो आसा. ते तिका कॅफेंतलो व्हिडियो दाखोवन ब्लॅकमेल करताले. हे व्हिडियो आक्षेपार्ह आशिल्ले अशी म्हायती पुलीस सुत्रांनी दिल्या. अटक केल्ल्या स जाणां मदलो एकलो ते चलयेचो इश्ट अशेंय पुलिसांनी स्पश्ट केलां.
ही घडणूक खंय घडली?
ही घडणूक ओडिशाच्या कटक शारांत घडली. पुलीस उपायुक्त जगमोहन मीना हांणी सांगलें, ४ नोव्हेंबराक कटक पुलीस स्टेशनाचेर कागाळ दाखल केल्ली. हे चलयेक ब्लॅकमेल करताले. त्या स जाणां कडेन तिचे आक्षेपार्ह व्हिडियो आशिल्ले. कॅफेंत गेल्ली तेन्ना कॅफेच्या धनयान तिचे व्हिडियो आनी फोटो काडले, अशें ते चलयेन कागाळेंत म्हणलां.
ह्या प्रकरणांत पुलिसांनी स जाणांक अटक केल्या. तांचे मोबायल फोनूय पुलिसांनी जप्त केल्यात. हे मोबायल राज्य न्यायालयीन खात्यांत धाडल्यात. ह्या प्रकरणांत फुडली चवकशी सुरू आसा. तशेंच हो व्हिडियो फुडें पातळचो ना हाची जतनाय आमी घेतल्यात अशें पुलिसांनी स्पश्ट केलां.
नेमकें कितें जालें?
पुलीस सुत्रांनी दिल्ले म्हायती प्रमाण, ही चली कटकांतल्या कॅफेंत गेल्ली. तिच्या इश्टाचो वाडदीस आशिल्लो आनी दसर्याचो उत्सव आशिल्लो म्हणून तीं गेलीं. ह्या वेळार ह्या कॅफे धनयान उल्लेख केल्ले चलयेचे कांय आक्षेपार्ह फोटो आनी व्हिडियो मोबायलाचेर काडले. कॅफेच्या मॅनेजरान तिका ते दाखोवन ब्लॅकमेल करपाक सुरवात केली. उपरांत ताणें तिचेर जायते फावट बलात्कार केलो. हे विशीं ते चलयेन कागाळ केल्या उपरांत पुलिसांनी स जाणांक अटक केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
