भांगरभूंय | प्रतिनिधी
पुरी, खबरां संस्था ः ओडिशाच्या जगन्नाथ पुरी देवळांत जानेवारीच्यान थारायल्लो ‘ड्रेस कोड’ घालून वचपाक मेळटले. पिंजिल्ल्यो जिन्स, स्लीवलेस कुर्ते, हाफ पॅण्ट, शॉर्टस अशे कपडे घालून येवप्यांक देवळांत प्रवेश दिवचे नात. देवळाचे धोरण उपसमितीचे बसकेंत हो निर्णय घेतला. पूण देवळांत कसले कपडे घालचे हाचेर अजून निर्णय जावंक ना.
देवळाचो मान आनी पवित्रताय तिगोवन दवरप ही आमची जापसालदारकी अशें जगन्नाथ देवूळ वेवस्थापनाच्या मुखेल्यान सांगलें. देखून 1 जानेवारी 2024 सावन ड्रेस कोडाचे खरपणान पालन करतले. देवळाच्या सिंघद्वारांत तैनात सुरक्षा दळ आनी देवळाचे प्रतिहारी सेवक तांचेर नदर दवरतले.
हाचें आदीं गुजरातांतल्या द्वारकाधीश देवळांत आनी मध्य प्रदेशांतल्या उज्जैनांतल्या महाकाल देवळांत ड्रेस कोड लागू केलां. जाल्यार उत्तराखंडातल्या हरिद्वाराच्या दक्ष प्रजापीत देवळांत, पौडीच्या नीलकंळ महादेव देवळांत आनी देहरादूनच्या टपकेश्वर महादेव ह्या तीन देवळांनी चलयांक ल्हान कपडे घालून येवपाचेर बंदी घाल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
