भांगरभूंय | प्रतिनिधी
पेडणे : गोंयची हद्द हुपून महाराष्ट्रांत पाविल्लो ओंकार हती परत गोंयांत पावले उपरांत तांणी बागायतींचें लुकसाण करपाक सुरवात केल्या. हाका लागून पेडणें वाठारांतले लोक ताका बरेच भियेल्यात. ह्या वाठारांतल्या हरीजन वाड्यावेले वट्ट १६ विद्यार्थीय हतयाक भियेवन शाळेंत वचूंक ना.
ह्या हतयाचो बंदोबस्त करपा खातीर रान खात्याचे कर्मचारी अधिकारी घडणुके सुवातेर हाजीर आशिल्ले. सकाळ सावन हो ओंकार हती खंय वता? ताच्या मार्गार रान खात्याचे कर्मचारी तैनात आशिल्ले. रातचो जर हो सती ह्या वाठारांत रावलो जाल्यार तो नेमको खंय वता हें पळोवपाक, रातचें रानांत, बागायतींत गेल्यार ताका पळोवपाक मशाली गरजेच्यो. त्या मशालींची तयारी रान खात्याचे कर्मचारी करतात हें चित्र पळोवपाक मेळटा. तशेंच हातांत गंडेल बॉम्ब आशिल्ले.
ओंकार हत्ती सकाळीं हरिजन वाड्यार पावताच लोकांनी ताका पळोवपाक गर्दी केल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
