भांगरभूंय | प्रतिनिधी
पेडणे: वट्ट 400 किलोमीटर लांब प्रवास करून आयिल्लो ‘ओंकार’ हती सेगीत सातव्या दिसाय पेडणेंच्या तांबोशें गांवांतूच आसा. हो हती ह्या गांवांतूच राविल्ल्यान शेतांतलें भात, केळी, कवाथे आनी सुपारेच्या बागेंचे व्हडा प्रमाणांत लुकसाण जालां. शेतकारांचेञ लाखांनी रुपयांचें लुकसाण जालां. रान विभागाचे यत्न फळाक येनाशिल्ल्यान शेतकारूय कांयच करपाक पावनात. तांणी आतां सरळ प्रशासनाचेर आनी लोकप्रतिनिधींचेर बोट दाखयलां.
थळावे पंच दया गवंडी हांणी, हती गांवांत आयिल्ल्याक शेतकार भियेल्यात आनी शेतांत वचनात. हो हती अचकीत येवन कितेंय अपघात घडल्यार, हाका कोण जापसालदार? असो प्रस्न विचारलो. उपजिल्लोधिकारी शिवप्रसाद नायक हांणी चार दिसां आदीं शेतकारांचेर गुन्यांव दाखल करून अटक करपाची शिटकावणी दिल्ली. हाचो उगडास करून दीत तांणी प्रशासनाक विचारलें, हतयाक धांवडावपाक तज्ज्ञांची मजत कित्याक घेनात? सरकाराक कोणाचो जीव गेल्लो जाय काय? अशे प्रस्न विचारतात
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
