भांगरभूंय | प्रतिनिधी
पेडणे : रान खात्याचे कर्मचारी उगव्या वाठारांत फाटल्या तीन दिसां सावन ओंकार हती व्हडा प्रमाणांत जें लुकसाण करता ताचेर पाळत दवरून आसा. जाल्यार कांय अधिकार्यांचीं वाहनां राष्ट्रीय महामार्ग 66 चेर तैनात आसात. जे शेतात कर्मचारी आसात. त्या कर्मचार्यांक अधिकारी वेगवेगळ्यो सुचवण्यो करतात. मात सरकारा कडेन आजूनय तज्ञ नात.
रान खात्याचे मंत्री विश्वजीत राणे हांणी दिवाळी, दसर्या उपरांत प्रशिक्षीत हती तज्ञ येतले अशी गवाय दिली. तो मेरेन ओंकार हती तांबोश्यां गांवांत सात दीस रावन तांणी आतां आपलो मोर्चा उगव्यां वाठारांत वळयला. उगव्यां वाठारांत केळ्यांचे कवाथे, सुपार्यो, भात शेती व्हडा प्रमाणांत आसा. तशेंच शेतांनी व्हडा प्रमाणांत तण वाडिल्ल्यान ओंकार नक्की खंय लिपोन रावता? खंय आसा? हाचो पत्तो रान खात्याच्या कर्मचार्यांक लागना. मात शेतकार पयसच्यान खंयतरी हती आसा हें पळयतात आनी रान खात्याच्या कर्मचार्यांक ताची म्हायती दितात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
