भांगरभूंय | प्रतिनिधी
पणजी : सिंधुदुर्गच्यान गोंयचे हद्दींत आयिल्लो ओंकार नांवाचो हती सध्या कडशी – मोपा रावला. पावसाक लागून सिग्नल मेळनाशिल्ल्यान ताचेर नदर दवरपाक रान खात्याच्या पंगडाक आडमेळीं येतात. ताका गोंयच्यान धांवडावपाचो पुराय यत्न चालू आसा. मात ताका ताचे वांगडी हती ताच्या मूळ कळपांतूय घेनाशिल्ल्यान तो एकलोच रानांत भोंवत आसा.
ओंकार रानांत हेडटा, खरो मात तो मदींच कडाशीच्या बागायतींचो इबाड करपाक लागला. मदींच कडाशी न्हंयेंत वचून तो न्हाता, अशी म्हायती ग्रामस्थांनी दिली. गोंयची शीम हुपले उपरांतूय तो परत आयिल्ल्यान ग्रामस्थां मदीं भंय वाडला.
ओंकाराचेर रान खात्याचे पंगड ड्रोना वरवीं नदर दवरून आसा. पावसाक लागून सिग्नल मेळपाकूय आडमेळीं येतात. ताका भायर काडपाचे यत्न चालूच आसा. मात तो परत आयिल्ल्यान सोंपेपणी वच्चो ना, अशी म्हायती रान अधिकारी (डीसीएफ) जीस वर्की हांणी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
