भांगरभूंय | प्रतिनिधी
ऑस्ट्रेलिया पंगडान चॅम्पियन्स ट्रॉफीच्या इतिहासांतले सगल्यांत व्हड मोखीचो येसस्वी रितीन फाटलाव केलो. इंग्लंडान दिल्ली 352 धांवड्यांची मोख ऑस्ट्रेलिया पंगडान 47.3 ओव्हरींनी 5 विकेटी व्हगडावन मेळयली.
हांगाच्या गद्दाफी स्टेडीयमाचेर इंग्लंडान टॉस हारल्या उपरांत पयलीं बॅटींग करतना 50 ओव्हरींनी 8 विकेटी व्हगडावन 351 धांवड्यो केल्यो. हे सर्तीच्या इतिहासांतली ही सगल्यांत व्हड धांवसंख्या आशिल्ली. पूण, ऑस्ट्रेलिया पंगडान फुडल्याच डावांत हो विक्रम मोडलो.
ऑस्ट्रेलियेच्या जोश इंग्लीसान 86 बॉलांनी नाबाद 120 धांवड्यांची खेळी केली. एलेक्स कॅरीन 63 बॉलांनी 69, मॅथ्यू शॉर्टान 66 बॉलांनी 63 आनी मार्नस लाबशेनान 45 बॉलांनी 47 धांवड्यो केल्यो. इंग्लंडा वतीन बेन डकेटान शेंकड्यांची केली. पूण, ताचो शेंकडो फुकट गेलो. ताणें 143 बॉलांनी 165 धांवड्यो केल्यो. हातूंत 17 चवक्यांचो आनी तीन सक्यांचो आस्पाव आशिल्लो. ताचे खेरीत जो रुटान 68 धांवड्यांची खेळी केली. जोस बटलरान 23 धांवड्यांचें योगदान दिलें. अॅडम झम्पा आनी बेन ड्वारशुइस हाणें दरेकी 2 विकेटी घेतल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
