भांगरभूंय | प्रतिनिधी
नवी दिल्ली, खबरां संस्था ः संरक्षण, तंत्रगिन्यान, राजकारणी आनी विमानतळ सुरक्षा प्रोटोकॉल हांकां लक्ष्य करून चार भारतीय गुप्तचरांक ऑस्ट्रेलियान गुप्तपणान धांवडावन घाल्ल्याचें एबीसीच्या चवकशेंतल्यान स्पश्ट जालां. 2020 वर्सा भारतीय गुप्तचरांच्या कारवायेचो सोद घेतले उपरांत ऑस्ट्रेलियन अधिकाऱ्यांनी तिडक उक्तायली. उपरांत ऑस्ट्रेलिया आनी भारतान भायल्यान घटमूट राजनैतिक आनी वेपारी संबंदांचेर भर दिलो. भारतीय गुप्तचर संवेदनशील संरक्षण तंत्रगिन्यान आनी विमानतळ सुरक्षा प्रोटोकॉल मेळोवपाचो यत्न करतात. तांतूत राजकारणी तशेंच पुलीस सेवा, भारतीय ऑस्ट्रेलियन नागरिकांचेरूय नदर दवरतात.
2021 वर्सा ऑस्ट्रेलियाचो गुप्तचर मुखेली माईक बर्गेस हाणी भारताचें नांव घेनासतना भारतान ‘गुप्तचरांचें घोंस’ उगडलां अशें सांगिल्लें. तशेंच ताका जाप दितना ऑस्ट्रेलियान मुत्सद्दी म्हणून वळखिल्ल्लया चार भारतीय गुप्तचरांक धांवडावन घाल्ले. आमी परकी गुप्तचरांचो सामनो करुन तांकां शांत, वेवसायीक रितीन पयस केल्ल्याचे बर्गेस हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
