भांगरभूंय | प्रतिनिधी
वॉशिंग्टन, खबरां संस्था ः 96 वे अकादमी पुरस्कार म्हळ्यार ऑस्कर २०२४ जाहीर जाल्यात. ‘ओपनहायमर’ ह्या सिनेमाक सात ऑस्कर पुरस्कार फावो जाल्यात. त्याच वेळार रॉबर्ट डाउनी जुनियराक आपले कारकिर्दींतलो पयलो ऑस्कर पुरस्कार फावो जाला. उत्कृश्ट अभिनेत्याचो पुरस्कार किलियन मर्फी जाल्यार एमा स्टोन हिका उत्कृश्ट अभिनेत्री पुरस्कार फावो जालो.
रॉबर्ट डाउनी जुनियराक तीन फावटीं अॅकॅडमी पुरस्कारांक नामांकन मेळ्ळां. पूण हे खेपे तांणे उत्कृश्ट सहाय्यक अभिनेतो ऑस्कर जिखलो. ख्रिस्तोफर नोलन हाच्या ‘ओपनहायमर’ ह्या सिनेमांत अमेरिकन अधिकारी लुईस स्ट्रॉस हाची भुमिका केल्ल्यान ताका हो पुरस्कार फावो जालो. हो ताचो पयलो पुरस्कार. रॉबर्ट डाउनी जुनियर हाका संवसारभर ‘आयर्न मॅन’ ह्या नांवानय वळखतात.
एमा स्टोन स्टारर हिणें अभिनय केल्ल्या ‘पूअर थिंग्स’ फिल्माक 11 विभागांनी नामांकन मेळ्ळें. जाल्यार दिग्दर्शक मार्टीन स्कोर्सेस हाच्या ‘किलर्स ऑफ द फ्लॉवर’ फिल्माक 10 विभागांनी नामांकन मेळ्ळें. ‘ओपनहायमर’ बरोबर प्रदर्शीत जाल्ल्या ‘बार्बी’क 8 विभागांनी नामांकन मेळ्ळां.
पुरस्कार जैतिवंतांची नांवां…
उत्कृश्ट दिग्दर्शक: क्रिस्टोफर नोलन ‘ओपनहायमर’
चित्रपट: ‘ओपनहायमर’
अभिनेत्री: एम्मा स्टोन
अभिनेतो: सिलियन मर्फी ‘ओपनहाइमर’
सहाय्यक अभिनेतो: रॉबर्ट डाउनी जुनियर
सहाय्यक अभिनेत्री: डा-वाइन, जॉय रँडॉल्फ, द होल्डवेज
ओरिजिनल गीत: व्हाट वॉज आई मैड फोर? ‘बार्बी’
ओरिजिनल स्कोअर: लुडविग गोरानसन, ‘ओपनहायमर’
सिनेमॅटोग्राफी: हॉयटे व्हॅन हॉयटेमा, ‘ओपेनहायमर’
लायव्ह ॲक्शन शॉर्ट फिल्म: वेस अँडरसन आनी स्टीव्हन रॅल्स, ‘द वंडरफुल स्टोरी ऑफ हेन्री शुगर’
डॉक्युमेंटरी फिचर फिल्म: ‘20 डेज इन मारियुपोल’
डॉक्युमेंटरी शॉर्ट फिल्म: द लास्ट रिपेअर शॉप
चित्रपट संपादन: ओपनहायमर
व्हिज्युअल इफेक्ट्स: गॉडझिला मायनस वन
इंटरनॅशनल फिचर फिल्म: द झोन ऑफ इंटरेस्ट, युके फिल्म, जोनाथन ग्लेझर दिग्दर्शित
वेशभूषा डिझायन: हॉली वॅडिंगटन, पुअर थिंग्ज
प्रोडक्शन डिझायन: जेम्स प्रायस आनी शोना हीथ सुझा मिहलेक, पुअर थिंग्ज
मेकअप आणि हेअरस्टाइल: नादिया स्टेसी, मार्क कुलियर आनी जोश वेस्टेन, पुअर थिंग्ज
रूपांतरित पटकथा : अमेरिकन फिक्शन, कॉर्ड जेफरसन
मूळ पटकथा: एनी ऑफ अ फॉल
ॲनिमेटेड फीचर फिल्म: द बॉय अँड द हिरो
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
