भांगरभूंय | प्रतिनिधी
संवसारांत सगळ्यांत चड गुंतवणूकदार भारतांतले
नवी दिल्ली, खबरां संस्था ः शेअर बाजारांतल्या ऑप्शन ट्रेडिंगांत 90 % गुंतवणूकदारांक लुकसाण जाता. पूण तरी लेगीत फाटल्या धा वर्सांत ऑप्शन ट्रेडिंग डिलांत 50 टक्क्यांनी वाड जाल्या. शेअर मार्केट रेग्युलेटरी अॅथॉरिटीन (सेबी) केल्ल्या सर्वेक्षणांतल्यान दिसून आयलां की ऑप्शन्स ट्रेडिंगांत 10 पैकी 9 जाणांक लुकसाण जाता. देखून सेबी वारंवार ऑप्शन ट्रेडिंग पसून पयस रावपाचो सल्लो दिता. पूण तरी लेगीत हातूंत 90 टक्के लोक आपले पयशे वगडायतात अशें दिसून आयलां.
अशें आसून लेगीत फाटल्या दशकांत भारतांत नियामक संस्था (सेबी) ट्रेडिंगांत 52.4 टक्क्यांनी वाड जाल्या. 2023 वर्सा संवसारांत सगळ्यांत चड पयशे 7.12 लाख कोटी रुपया भारतांतल्यान लायिल्ले. जाल्यार अमेरिकेंत फकत 94 हजार कोटी रुपया लायिल्ले. गलेलठ्ठ रिटर्न्सचो दावो करून ऑप्शन ट्रेडिंगां कडेन आकर्शित करपी तज्ञ आनी इन्फ्लुएन्सरा आड सेबी कडक कारवाय करता. तरी लेगीत ऑप्शन ट्रेडिंग करपाचो आंकडो दिसानदीस वाडत आसा.
ऑप्शन ट्रेडिंगांत ल्हान गुंतवणूकदारांचो वांटो 35% आसा. उरिल्लीं 65% वेगवेगळें संस्थात्मक गुंतवणूकदार जोखीम वा फायदो आडावपाखातीर गुंतवणूक करतात. परत परत शिटकावणी दिवन लेगीत 2022-23 अर्थीक वर्सा गुंतवणूकदारांक 45 हजार कोटी लुकसाण जालां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
