भांगरभूंय | प्रतिनिधी
नवी दिल्ली, खबरां संस्था: इराण- इस्रायल संघर्षा मजगतीं ऑपरेशन सिंधू खाला आतां मेरेन वट्ट १,११७ भारतीयांक भायर काडल्यात. मशहादच्यान आनीक एक विमान शेनवारा रातीं ११:३० वरांचेर २९० नागरिकांक घेवन नवी दिल्लीक पावलें. ह्यान पयलीं, ३१० नागरिकांचो एक गट दनपरां ४.३० वरांचेर राजधानींत पाविल्लो.
२० जुनाक, दोन गटांनी ४०७ भारतीय परतले. रातच्या १०:३० वरांच्या विमानान १९० काश्मिरी विद्यार्थ्यां सयत २९० लोक परतले. हातूंत दिल्ली, हरियाणा, कर्नाटक आनी पश्चिम बंगालांतल्या लोकांचोय आसपाव आशिल्लो. सकाळीं ३ वरांच्या विमानांत ११७ लोक आशिल्ले.
१९ जुनाक ११० विद्यार्थी आर्मेनिया आनी दोहा मार्गान भारतांत पावले. इराणच्यान दिल्लीक पाविल्ल्या ह्या प्रवाशांनी विमानतळार ’वंदे मातरम’ आनी ’भारत माता की जय’ च्यो घोशणो दिल्यो. कांय लोक भावूकय जाले. तांच्या दोळ्यांत दुकां आयलीं. कांय जाणांनी जमनीर तकली तेकयली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
