भांगरभूंय | प्रतिनिधी
नवी दिल्ली, खबरां संस्था: ऑपरेशन सिंदूरांत, भारतीय हवाई दळाच्या हल्ल्यांत ६ पाकिस्तानी झुजाचीं विमानां, १ सी-१३० येरादारी विमान, २ हाय-व्हॅल्यू आशिल्लीं विमानां आनी १० परस चड ड्रोन (UCAV) नश्ट केले. हो दावो वृत्तसंस्था ANIन सरकारी सुत्रांच्या म्हायती प्रमाण केला.
अहवालांत म्हणलां, ६ ते १० मे मजगतीं भारतान पाकिस्तानाच्या पंजाब आनी पीओकेच्या (पाकव्याप्त काश्मीर) आतंकवादी छावण्यांचेर हल्लो केलो. उपरांत पाकिस्तानानूय जाप दिवपाचो यत्न केलो, मात भारतीय हवाई दळान फकत जाप दिवंक ना, जाल्यार व्हड लुकसाणूय केलें.
राफेल आनी सुखोई-३० विमानांच्या हल्ल्यांत चिनी ड्रोन नश्ट
ऑपरेशन सिंदूरांत, भारतीय हवाई दळाच्या रडार आनी हवाई संरक्षण प्रणालींनी हवेंतूच पाकिस्तानी लढाऊ विमानांक लक्ष्य केलें. सुदर्शन क्षेपणास्त्र प्रणालीचो वापर करून सुमार ३०० किलोमीटर अंतराचेर उडपी एक उच्च-मूल्य विमानूय उडयलें. हें विमान इलेक्ट्रॉनीक युद्ध प्रणालीन वा हवाई पूर्व चेतावणी नियंत्रण प्रणालीन सुसज्ज आशिल्ले.
तशेंच, राफेल आनी सुखोई-३० विमानांनी केल्ल्या हल्ल्यांत पाकिस्तानकडेन आशिल्ल्या चिनी बनावटीचें विंग लूंग ड्रोनूय नश्ट जाले. सुत्रांनी दिल्ले म्हायती प्रमाण, पाकिस्तानाच्या भोलारी एअरबेसीचेर स्वीडिश मुळचे AEWC विमानूय नश्ट केलें. तशेंच, पाकिस्तानच्यान मलबाय काडिनात, हाचे वेल्यान हें स्पशट जालां की लुकसाण बरेंच व्हड आसा.
भारतान फकत वार्यावेल्यान अटॅक करपी क्रुझ क्षेपणास्त्रांचो वापर केलो. हे कारवायेंत ब्रह्मोस सारके जमनीवेल्यान अटॅक करपी क्षेपणास्त्रांचो वापर करूंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
