भांगरभूंय | प्रतिनिधी
म्हापशेंः पर्वरी ऑनलायन आयपीएल बेटिंग उक्तडार हाडली. ह्या प्रकरणांत तिगांक अटक करुन तांचे कडल्यान 7 मोबायल फोना सयत 2.10 लाखांचें सामान जप्त केलें. पर्वरी पुलिसांनी ही कारवाय केली.
सुकूरांतल्या सन एस्कोरा रेसिडेन्सी कॉम्प्लेक्सांतल्या व्हिला क्रमांक 29 त रातीं उसरां धाड घाली. काल जाल्ले दिल्ली कॅपिटल्स विरुद्ध रॉयल चॅलेंजर्स बेंगळुरू हांचे मदल्या मॅचींचेर ऑनलायन बेटिंग चालू आशिल्ल्याची म्हायती पुलिसांक मेळिल्ली. उपरांत पुलिसांनी धाड घालून ह्या वेळार विजय कुमार मनवानी (45, रीवा, मध्य प्रदेश), मुसा शेख (29, मुर्शिदाबाद, अस्तंत बंगाल) आनी सुदेश कुमार ओटवानी (25, रीवा, मध्य प्रदेश) हांकां अटक केली.
ह्या वेळार पुलिसांनी सात मोबायल फोन, एक लॅपटॉप आनी हेर सामान मेळून वट्ट 2.10 लाखांचो म्हाल जप्त केलो. ह्या प्रकरणांत उत्तर गोंय पुलीस अधीक्षक अक्षत कौशल, उपअधीक्षक विश्वेश कर्पे, पर्वरी पुलीस निरिक्षक राहुल परब पुलीस उपनिरिक्षक संकेत तळकार फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
