भांगरभूंय | प्रतिनिधी
मुंबय, खबरां संस्था: ऑगस्टांत ५ व्हडले बदल घडल्यात, जे सरळ तुमकां संबंदीत आसात. आयच्यान १९ किलो वेपारी गॅस सिलिंडर ३४.५० रुपया सवाय जाला.
तशेंच वेवसायीक विमानांत वापरपी एव्हिएशन टर्बाइन इंधनाचें दर २६७७.८८ रुपयां मेरेन वाडलां. हाका लागून हवाई प्रवास खर्चीक जावंक शकता. जाल्यार UPI ऍप्साचेर बॅलन्स तपासपाची मर्यादा ५० मेरेन वाडल्या. हाचो अर्थ आतां तुमी दिसाक चडांत चड ५० फावटीं तुमच्या खात्यांतलो बॅलन्स तपासपाक शकता.
आतां नदर घालुया ऑगस्टांत जावपी ५ व्हड बदलांचेर.
१. गॅस सिलिंडर सवाय
आयच्यान १९ किलोचो वेवसायीक गॅस सिलिंडर ३४.५० रुपयांनी सवाय जालो. दिल्लीक ताचो दर ३३.५० रुपयांनी उणो जावन १६३१.५० रुपयांचेर आयलो. आदीं सिलिंडर १६६५ रुपयांक उपलब्ध आशिल्लो.
२. UPIचे नेम बदल्ले
-आतां तुमी खंयच्याय एकाच UPI ऍपावेल्यान दिसाक ५० परस चड फावटीं तुमचें बँक शिल्लक तपासपाक शकचे ना.
-ऑटो-पे (जशें ईएमआय, सबस्क्रिप्शन वा बिल पेमेंट) आतां दिसाचो खंयचोय वेळ सोडल्यार (सकाळीं १० ते दनपरां १ आनी सांजेवेळार ५ ते रातचीं ९:३० सोडल्यार) निश्चीत वेळेच्या स्लॉटार प्रक्रिया करतले.
-जर पेमेंट आडकून उरल्यार तुमी ताची स्थिती फकत ३ फावटीं तपासपाक शकतात. तेंय दरेके फावटीं ९० सेकंदांच्या अंतरान.
-चार्जबॅक दावो न्हयकारल्यार बँकींक एनपीसीआय कडल्यान नवी परवानगी घेवपाची गरज आसची ना. हाका लागून विवाद निराकरण रोखडेंच जातलें.
३. क्रेडीट कार्डावेलें विमा संरक्षण बंद केलें
एसबीआयन ११ ऑगस्ट सावन कांय वेंचीक को-ब्रँडेड क्रेडीट कार्ड्स (एलिट आनी प्रायम) वेलो मोफत हवाई अपघात विमा बंद करपाचो निर्णय घेतला.
आतां मेरेन हें विमा कव्हर ५० लाख रुपयां पसून ते १ कोटी रुपयां मेरेन उपलब्ध आशिल्लें. हो विमा ह्यान पयलीं युको बँक, सेंट्रल बँक, करूर वैश्य बँक आनी अलाहाबाद बँकेच्या भागीदारींत दिल्लो.
४. एव्हिएशन टर्बायन इंधन (ATF) ३% जालें म्हारग
तेल विपणन कंपन्यांनी एव्हिएशन टर्बायन इंधन म्हणल्यार एटीएफचें दर प्रती किलोलिटर (१००० लिटर) २६७७.८८ रुपया वा ३% न वाडोवन ९२,०२१.९३ रुपया प्रती १००० लिटर केल्या. हे वाडीचो सरळ परिणाम विमान भाड्याचेर जावपाक शकता. अशे परिस्थितींत येवपी काळांत विमान तिकेटी म्हारग जावपाक शकता.
५. आरबीआयची व्याजदरांत कपात करपाची शक्यताय
रिझर्व्ह बँक ऑफ इंडियाच्या चलनविशयाच्या धोरण समितीची बसका ह्या म्हयन्यांत ४ ते ६ ऑगस्ट मजगतीं जातली. हे बसकेंत गव्हर्नर संजय मल्होत्रा आनी तांच्या पॅनेलांतले वांगडी व्याजदरांत ०.२५% कपात करपाक शकतात.
जुनांत जाल्ले एमपीसीचे बसकेंत आरबीआयन रेपो दर ०.५०% न उणें करून ५.५०% केल्लें. ह्या दर कपातीचो सरळ परिणाम तुमच्या कर्जाच्या ईएमआय आनी बचत खात्याच्या व्याजदराचेर जावपाक शकता. म्हळ्यार हे कपातीक लागून व्याजदर उणें जावपाक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
