भांगरभूंय | प्रतिनिधी
नवी दिल्ली, खबरां संस्था ः फेडरेशन ऑफ ऑटोमोबायल डिलर्स असोसिएशनान ऑगस्ट 2023 वर्सा विकिल्ल्या वाहनां विशीं अहवाल जाहीर केला. ताचे प्रमाण फाटल्या म्हयन्यांत ऑटो मार्केटांत 18 लाख 18 हजार 647 गाडयो विकल्यो आनी वर्सुकी तत्त्वाचेर 8.63 टक्क्यांनी वाड जाल्या. फाटल्या वर्सा ऑगस्टांत 16 लाख 74 हजार 162 वाहनां विकली.
तीन चाकी गाडयांनी सगळ्यांत चड वाड 66.15 टक्क्यांनी जाल्या. देशांत फाटल्या म्हयन्यांत वट्ट 60,132 तीन चाकी गाडयो विकल्यो, तातूंतल्या बजाज ऑटोन 33,581 विक्री करून पयल्या क्रमांकाचेर आसा. त्याच वेळार वेपारी विभागांत वर्साक 3.23 टक्क्यांनी वाड जाली आनी टाटा मोटर्स कंपनीन 27,483 वाहनांचो विक्री करून पयल्या सुवातेर आसा. प्रवासी वाहन विक्रींत मारुती सुझुकी पयल्या क्रमांकाचेर आसा.
मारुती सुझुकीन सगळ्यांत चड 1.33 लाख मोटारी विकल्यो. हाचे वांगडा मारुती सुझुकीचो बाजारांतलो वाटो वर्सुकी 39.41 टक्क्यांवयल्यान 42.37 टक्क्यांनी वाडलो. फाटल्या वर्सा ऑगस्टांत कंपनीन 1.16 लाख गाडयो विकिल्ल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
