भांगरभूंय | प्रतिनिधी
नवी दिल्ली, खबरां संस्था ः ऑगस्टांत यूपीआय वेव्हारान 10 अब्जांचो टप्पो हुपलो. भारतीय राश्ट्रीय फारीकणी म्हामंडळान ऑगस्टांत यूपीआय वरवीं 15.76 लाख कोटी रुपया हस्तांतरीत केल्यात. प्रधानमंत्री नरेंद्र मोदी हांणी ताची तोखणाय केली. मोबायल फोनांतल्यान तात्काळ पयशांच्या वेव्हारा खातीर यूपीआय वापरतात.
प्रधानमंत्री नरेंद्र मोदी हांणी ‘एनपीसीआय’ ह्या पोस्टाचेर सोशल मिडिया वयल्यान रिट्विट केलें ‘ही एक बरी खबर, भारतांतल्या लोकांनी डिजिटल प्रगती आपणावपाची एक देख. तशेंच ताच्या कुशळटायेक तो आदार. फुडाराकय ही पध्दत चालूच उरतली’.
एनसीपीआयच्या आंकड्यां प्रमाण 30 ऑगस्टाक यूपीआय वेव्हार 10.24 अब्ज जाले. ह्या वेव्हाराचें मोल 15,18,456.4 कोटी रुपया आशिल्लें. जुलयांत यूपीआय वेव्हाराचो आंकडो 9.96 अब्ज जाल्यार जूनांत 9.33 अब्ज आशिल्लो. फाटल्या वर्साच्या तुळेंत वेव्हारांत 61 टक्क्यांनी वाड जाल्या. तेच बरोबर फाटल्या वर्साच्या तुळेंत अंदूं वेव्हाराच्या प्रमाणांत 47 टक्क्यांनी वाड जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
