भांगरभूंय | प्रतिनिधी
नवी दिल्ली, खबरां संस्था ः ऑक्टोबरांत यूपीआय (युनिफायड पेमेंट इंटरफेस) वरवीं 1,658 कोटी वेव्हार जाले. ह्या काळांत वट्ट 2,350 लाख कोटी रुपया हस्तांतरीत जाले. फाटल्या वर्साच्या ऑक्टोबराच्या तुळेंत वेव्हारांचो आंकडो 45 टक्क्यांनी वाडलो. ऑक्टोबर 2023 वर्सा यूपीआय वरवीं 1,141 कोटी वेव्हार जाल्ले आनी ताचे वरवीं 17.16 लाख कोटी रुपयांची रक्कम हस्तांतरीत जाल्ली. एका वर्सात वेव्हाराचे प्रमाण 37 टक्क्यांनी वाडले. ऑक्टोबर 2024 वर्सा दिसपट्टो सरासरी वेव्हार 53 कोटी 50 लाख आशिल्लो आनी दर दिसा सरासरी 75,801 कोटी रुपयांची रक्कम हस्तांतरीत जाली.
सप्टेंबराच्या तुळेंत यूपीआय वेव्हारांत 10.23% वाड जाल्या जाल्यार फाटल्या म्हयन्याच्या तुळेंत (सप्टेंबर 2024) वेव्हाराचो आंकडो 10.23 टक्क्यांनी वाडलो. जाल्यार हस्तांतरीत केल्ली रक्कम 13.85 टक्क्यांनी वाडल्या. सप्टेंबर 2024 वर्सा यूपीआय वरवीं 1,504 कोटी वेव्हार जाले आनी 20.64 लाख कोटी रुपयांची रक्कम हस्तांतरीत जाली.
यूपीआयाचे नियमन करपी नॅशनल पेमेंट्स कॉर्पोरेशन ऑफ इंडिया ह्या संस्थेन (एनपीसीआय) 1 नोव्हेंबराक ही वेव्हाराची आंकडेवारी जाहीर केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
