भांगरभूंय | प्रतिनिधी
खबरां संस्था
ऑकलंडः न्यूझिलंडांतल्या ऑकलंडांत बिरेस्तारा बायलांची संवसारीक करंड सर्त सुरू जावचे पयलीं सर्तीच्या उक्तावणा पयलीं केल्ल्या फारपेटांत दोन जााणांक मरण आयलें. मात ही घडणूक राष्ट्रीय सुरक्षेच्या धोक्या कडेन संबंदीत नाशिल्ल्यान नियोजना प्रमाण सर्त सुरू जातली अशें न्यूझिलंडाच्या पंतप्रधानान सांगलें. फारपेट केल्ल्याक पुलिसांनी मारून वडयलां.
ह्या फाटपेटा खातीर पंतप्रधान ख्रिस हिपकिन्स हांणी दुख्ख उक्तायलां. नियोजना प्रमाण सर्त जातली अशे तांणी सांगलें. न्यूझिलंड आनी ऑस्ट्रेलिया हे सर्तीचें आयोजन करतात. एक खबरे संस्थेन दिल्ले खबरे प्रमाण एका बांदकामाचे सुवातर जाल्ल्या फारपेटांत पुलीस अधिकाऱ्या सयत स जाण जखमी जाल्यात. हल्लो केल्ल्याक रोखडेच मारून वडयलें.
खेळगडे, कर्मचारी सुरक्षीत
ऑकलंडांतल्या ईडन पार्क हांका बायलांच्या संवसारीक फुटबॉल सर्तीच्या उक्तावणाक कांय वरां पयलीं शारांतल्या एका रस्त्याचेर फारपेट जालो. हल्लेखोरान बांदकामाचे सुवाते कडेन हातांत आर्म घेवन फुडें वचून फारपेट केलो. तांणी बरेच रावंड फायर केले. अमेरिकेच्या राष्ट्रीय पंगडान एका निवेदना वरवीं तांचे सगळे खेळगडी आनी कर्मचारी सुरक्षीत आसा अशें सांगलां.
मध्य ऑकलंडांतल्या लोअर क्वीन सेंटरा कडेन एकलो फारपेट करता अशी म्हायती एकल्यान फोन करून पुलिसांक दिल्या उपरांत ते घडणुकेचे सुवातेर गेले. थंय दोग जाण मरून पडल्लें. जखमी जाल्ल्या स जाणांक ऑकलंड हॉस्पिटलांत दाखल केलां. पंतप्रधान हिपकिन्स हाणे दिल्ले म्हायती प्रमाण हल्लेखोरा कडेन पंक अॅक्शन शॉटगन आशिल्ली. इमारतीचे वयर गेल्या उपरांत तो लिफ्टांत गेलो. न्यूझिलंड पुलिसांनी धाडसी कारवाय करून ताका मारून वडयलें. न्यूझिलंड सरकारान फिफा आयोजकां कडेन चर्चा केली आनी सर्त थारायल्ले प्रमाण जातली अशें जाहीर केलें. सर्ती कडेन ह्या फारपेटाचो कांयच संबंद ना अशें तांणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
