भांगरभूंय | प्रतिनिधी
पणजी : गोंय पुलिसांच्या गुन्यांव फांट्यान धडक कारवाय करून एस्कॉर्ट वेबसायटी वेल्यान शिंदळकी धंदो चलोवपी टोळी उक्तडार हाडल्या. ह्या प्रकरणांत चार दुबावितांक अटक केल्ली. मजगतीं ह्या प्रकरणांत वांटो आशिल्ल्याच्या दुबावान गुन्यांव फांट्यान बार्देस म्हालांतल्या तीन टॅक्सीकारांची चवकशी सुरू केल्या.
एस्कॉर्ट वेबसायटी वयल्यान शिंदळकी धंदो सुरू आ शिल्ल्याची म्हायती गुन्यांव फांट्याच्या अधिकार्यांक मेळ्ळी. ते प्रमाण, सायबर विभागाचे मजतीन गुन्यांव फांट्यान चवकशी सुरू केली. ते प्रमाण, गुन्यांव फांट्यान आंध्र प्रदेशांतल्यान सय्यद सुलतान उस्मान (५४) आनी मोहम्मद सलामतुल्लाह मोहेबुल्ला (३०) ह्या दोगांक पयलीं अटक केली. त्या दोगांचीय चवकशी केली तेन्ना हातूंत जायत्या जाणांचो आसपाव आशिल्ल्याचें मुखार आयलें. खर चवकशी करतकच हातूंत ७८ एस्कॉर्ट वेबसायटीं वेल्यान गोंयांत शिंदळकी सुरू आशिल्ल्याचें मुखार आयलें. त्यो सायटी गुन्यांव फांट्यान ब्लॉक केल्यो.
उपरांत गुन्यांव फांट्यान उत्तरप्रदेशच्या गाजियाबादांत वचून योगेश कुमार हाका अटक केली. सुभाष प्रधान (३२) हाका अटक केल्ली. हे विशीं चड चवकशी केली तेन्ना, हातूंती टॅक्सीकारांचोय आसपाव आशिल्ल्याचें मुखार आयलें. ते प्रमाण बार्देस म्हालांतल्या तीन टॅक्सी चालकांची चवकशी सुरू केल्या.
हे विशीं पुलीस अधीक्षक राहुल गुप्ता आनी उपअधीक्षक राजेश कुमार हांच्या मार्गदर्शना खाला पुलीस निरीक्षक तुषार लोटलीकार तशेंच पुलीस निरीक्षक दत्ताराम रावत फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
