भांगरभूंय | प्रतिनिधी
भांगरभूंय । प्रतिनिधी
केंपेंः एससी समाजाची प्रगती करपा खातीर भाजप सरकार कटीबद्ध आसा अशें उदकास्रोत मंत्री सुभाष शिरोडकार हामे परवारवाडो- कुडचडे हांगा डॉ बाबासाहेब आंबेडकर जयंती निमतान आयोजीत केल्ले कार्यावळींत सांगलें. ह्या वेळार बांदकाम मंत्री नीलेश काब्राल, आदलो खासदार नरेंद्र सावयकार, कुडचडें- काकोडे पालिका नगराध्यक्ष जेस्मिन ब्रागांझा, उपनगराध्यक्ष रुचा वस्त, कुडचडें भाजप मंडळ अध्यक्ष विश्वास सावंत देसाय, प्रसन्न भेंडे हाजीर आशिल्ले.
आंबेडकर दलित समाजांत जल्मले मात शिकून ते म्हान जाले. मनश्याचे उदरगती खातीर शिक्षणा बगर पर्याय ना ही शिकवण आंबेडकराचें जिणे पसून मेळटा असें शिरोडकारान सांगलें.
बाबासाहेबान बरयल्ला संविधानाचेर देश चलता. तरणाट्यांनी शिक्षण घेवंन आपली उदरगत करपाक जाय अशें नीलेश काब्राल हाणे सांगलें. आंबेडकरांचे विचार घेवंन सगल्यांनी फुडें वचपाची गरज आसा अशें नरेंद्र सावयकारान सांगलें. नंदा तळेच्या सोबितीकरणाचें काम करतले अशी म्हायती काब्राल हाणे दिली. आंबेडकर जयंती निमतान परवारवाडो हांगच्या लोकांक मानेस्तांनी फळांचें वांटप केलें. सुरवेक कुडचडे सर्कल हांगच्या आंबेडकरांच्या पुतळ्याक मानेस्तांनी फुलां हार घातले
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
