भांगरभूंय | प्रतिनिधी
नवी दिल्लीः एसबीआय क्रेडीट कार्डा संबंदीचे नेम १ सप्टेंबर सावन बदलतले. हे बदलक क्रेडीट कार्ड वापरपी लोकांक धक्को दितले. एसबीआय कार्डां कडल्यान एक नोटिफिकेशन जारी केलां आनी हे संबंदी म्हायती दिल्या. १ सप्टेंबर सावन कांय कार्डांचेर इनामांचे पॉयंट बंद करतले. लायफ स्टायल होम सेंटर एसबीआय कार्ड, लायफ स्टायल होम सेंटर एसबीआय कार्ड सिलेक्ट आनी लायफ स्टायल होम सेंटर एसबीआय कार्ड प्रायम हांकां मेळपी फायद आनी कांय वेव्हारांचेर मेळपी डइख ठशुरीव झेळपींी बंद करतले.
१ सप्टेंबर सावन बदलपाचे नेमा प्रमाण ऑनलायन गेमींग प्लॅटफॉर्माचेर केल्ल्या खंयच्याय वेव्हाराचेर रिवार्ड पॉयंट दिवचे नात. तशेंच युजरांनी क्रेडीट कार्डचो वापर सरकारी सेवां खातीर केल्यार ताचेर ह्यान पयलीं रिवॉर्ड पॉयंट दिताले. तेय दिवपाचे बंद करतले. हे नेम मर्चंट वेव्हाराचेरूय लागू आसतले.
हाचे भायर १६ सप्टेंबर २०२५ सावन कार्ड संरक्षण येवजण (सीपीपी) एसबीआय कार्ड गिरायकांक आपोआप नूतनीकरण तारखेचेर आदारीत अद्ययावत येवजण वेरियंटांत हस्तांतरीत जातले. एसबीआय कार्डा कडल्यान हाची सुचवणी निर्धारीत तारखे पयलीं २४ वरां पयलीं एसएमएस आनी ईमेला वरवीं दितले.
एसबीआय कार्ड्स आपल्या क्रेडीट कार्डाचे नेम सेगीत बदलत आसा. जुलय आनी ऑगस्टांत एसबीआय कार्डान क्रेडीट कार्डाचे नेम बदलले. कांय क्रेडीट कार्डांचेर मेळपी कॉम्प्लिमेंटरी हवाई अपघात कवर बंद केल्लो. तो ५० लाख ते १ कोटी रुपया मदीं आशिल्लो. एसबीआय एलिट आनी एसबीआय प्रायम कार्डांचेर हे बदल जाले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
