भांगरभूंय | प्रतिनिधी
रिक्षा आनी टॅक्सी दरवाडूय १ फेब्रुवारी सावन
मुंबय, खबरां संस्था: महाराष्ट्र राज्य मार्ग परिवाहन महामंडळान दिल्ल्या भाडेवाडीच्या प्रस्तावाक मान्यताय दिल्या. हाका लागून आयच्यान एसटीची भाडेंवाड लागू जाल्ल्याची म्हायती राज्याचे परिवहन मंत्री प्रताप सरनाईक हांणी दिली. ह्या भाडेवाडीक लागून गरिबांच्या बोल्साक कातर लागतली.
राज्य परिवहन प्राधिकरणाच्या (एसटीए) हालींच जाल्ले एके बसकेंत तिकीटांत १४.९५% ची दरवाढ करपाच्या प्रस्तावाक मंजुरी मेळिल्ली. उपरांत हे विशीं अधिकृत घोशणा बेगीनूच दितले. ते प्रमाण, हे दरवाडीच्या प्रस्तावाक मान्यताय दिल्या. रिक्षा आनी टॅक्सीच्या भाडेवाडी विशींय निर्णय जाला.
सरनाईक हांणी सांगलें, मंत्रालयात हालीं प्राधिकरणाची बिरेस्तारा बसका जाली. हातूंत लोकप्रतिनिधी वांटेकार नासतात. हे बसकेंत जायत्या वर्सां जावन आडकून उरिल्ल्या एसटी दरवाढीचो निर्णय सोडयलो. ही दरवाढ १४.९५ टक्के इतली आसतली. रिक्षा आनी टॅक्सी हांची दरवाडूय १ फेब्रुवारी पसून लागू आसतली. हे विशीं ३ रुपयांची दरवाड केल्या.
गेल्या वर्सा डिझेल, सीएनजी, एसटीचे सुटे पार्ट अश्या गजालींनी बरीच दर वाड जाल्या. हाक लागून दर वर्सा ही दरवाड अपेक्षीत आसता. मात फाटल्या ३ वर्सां सावन ही दरवावाड जावंक नाशिल्ली, अशेंय सरनाईक हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
