भांगरभूंय | प्रतिनिधी
दिल्ले सुवातेरूच वेवसाय करपाचो आदेश जारी
मडगाव : एसजीपीडीएच्या मार्केटांतल्या नुस्तें आनी भाजी विक्रेत्यांनी, वेपार्यांनी अतिक्रमण काडचें आनी तांकां दिल्ले सुवातेरूच वेवसाय करपाचो आदेश एसजीपीडीएचे वांगडी सचीव शिवप्रसाद मुरारी हांणी काडला.
एसजीपीडीए मार्केटांतल्या कांय वेपार्यांनी लोकांक चलपा खातीर दवरिल्ली मेकळी सुवात बेकायदेशीरपणान वापरिल्ल्याची कागाळ आयिल्ली. मार्केटांतल्या खुबश्या नुस्तें आनी भाजी विक्रेते, गिरायकांक मार्केटांत भोंवपा खातीर दवरिल्ले सुवातेर कांय वेपारी आपलें सामान दवरतना दिसतात. नुस्तें विक्रेत्यो बायलो आपली भितरली सुवात सोडून गिरायकां खातीर आशिल्ले सुवातेर येवन नुस्तें विकतात. हे विशींचे कागाळी उपरांत हो आदेश काडिल्ल्याचें वांगडी सचिवांनी स्पश्ट केलें.
लोकांक त्रास जाल्ल्यान मार्केटांतल्या कामाचे परिणाम जातना दिसता. जे वेपारी हो आदेश पाळिनात, तांचेर खर कारवाय करतले. सगल्या वेपार्यांनी शिस्त आनी नितळसाण पाळची अशें वांगडी सचिवांनी म्हणलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
