भांगरभूंय | प्रतिनिधी
एसआयपी म्हणल्यार सिस्टीमॅटीक इन्व्हेस्टमेंट प्लॅना वरवीं म्युच्युअल फंडांत गुंतवणूक करप हो दीर्घकाळ संपत्ती निर्माण करपाचो सगल्यांत सोपो मार्ग. खरें म्हणल्यार आमचे मदल्या खुबश्या जाणांनी एसआयपी विशीं आयकलां आसतलें. खुबश्या जाणांच्यो वेगवेगळ्यो एसआयपी आसतल्योय. मात जो कोण पयलेच फावट एअसआयपी विशीं आयकता ताका नेमान ल्हान गुंतवणूक केल्यार इतलो फायदो जावं येता हाचें अजाप जाता.
नेमान गुंतवणूक आनी चक्रवाढी सयत दर म्हयन्याक एक हजारांची एसआयपी काळा प्रमाण 1 कोटी रुपयां मेरेन कशी वाडपाक शकता आनी म्हयन्याक एक हजार सांठोवन एक कोटी जावपाक कितलो वेळ पळोवचो पडटलो हें जाणून घेयात…
चक्रवाढ व्याजाक लागून वाड
सिस्टीमॅटीक इन्व्हेस्टमेंट प्लॅना वरवीं गुंतवणुकदारांक दर म्हयन्याक म्युच्युअल फंडांत निश्चीत रक्कम गुंतवपाक मेळटा. मजित ठेवींच्या उलट हांगा परतावो शेअर बाजाराशी जुळिल्लो आसता. सांगचें म्हणल्यार दीर्घकाळांत हे पयशे खूप वेगान वाडपाक शकतात. एसआयपी हो बचत करपाचो सोयीचो आनी शिस्तबद्ध मार्ग. हाका लागून ते संपत्ती निर्मिती खातीर एक उत्तम मार्ग मानतात. जर तुमी म्युच्युअल फंड एसआयपींत दर म्हयन्याक एक हजार रुपया घाले जाल्यार चक्रवाढ व्याजाक लागून तुमचे पयशे ल्हवल्हव वाडतूच वतात.
वट्ट गुंतवणूक फकत 4 लाख 32 हजार
सुमार 14% वर्सुकी परतावो मेळ्ळ्यार, तुमकां एसआयपी वरवीं एक कोटी सांठोवपाक 36 वर्सांचो काळ लागतलो. सांगचें म्हळ्यार 432 म्हयने सेगीत म्हयन्याक एक हजार रुपया कुशीक काडचे पडटले. म्हळ्यार 4 लाख 32 हजार गुंतवणूक केल्यार तुमकां 36 वर्सां उपरांत 1 कोटी 2 लाख 6 हजार 79 रुपया मेळटले. भारतांतल्या इक्विटी म्युच्युअल फंडांनी दीर्घकाळांत 12 ते 15 टक्के वर्सुकी परतावो दिल्ल्याचें दिसून आयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
