भांगरभूंय | प्रतिनिधी
सुमार ६ कोटी मरण आयिल्ल्या लोकांचो आधार नंबर अजूनय सक्रीय
नवी दिल्ली, खबरां संस्था: देशांतल्या दरेका नागरिकाक आधार नंबर दिल्ल्याक १५ वर्सां जालीं. ह्या काळांत १.४२ कोटी परस चड आधार कार्ड जारी जाले, मात ८ कोटी परस चड धारकांक मरण आयलें तरी फकत १.८३ कोटी कार्डां निश्क्रीय जाल्यांत. सुमार ६ कोटी मरण आयिल्ल्या लोकांचो आधार नंबर अजूनय सक्रीय आसा. हाका लागून बँक फटवणूक, बनावट खातीं आनी सरकारी येवजणेच्या फायद्यांचो गैरवापर करपाचो धोको वाडला.
वेंचणूक आयोगान बिरेस्तारा अहवाल दिला, १२ राज्यां आनी केंद्रशासीत प्रदेशांनी मतदारांक ४२ कोटी (८२.७१%) मतदार फॉर्म वाटल्यां, वट्ट ५०.९९ कोटी मतदार आसात. व्यापक विरोध आसुनय, बंगालान ९३% फॉर्म वाटप केलां, जें गुजरातच्या ९४% आनी राजस्थानाच्या ८६% परस लक्षणीय चड आसा.
मतदार याद्यांच्या विशेश सघन पुनरावृत्ती (SIR) चो दुसरो टप्पा ४ नोव्हेंबर दिसा १२ राज्यांनी सुरू जालो. मतदारांक विशिश्ट गणना फॉर्म छापप आनी वाटप सुरू आसा. पश्चीम बंगाल हें SIR क विरोध करपी सगल्यांत मुखेल राज्य. बंगालमध्ये काम वेगान सुरू आशिल्ल्याचो दावो आयोगाने केला.
एसआयआर मुद्यावेल्यान राज्यांत १८ जाणांक मरण आयिल्ल्याचो दावो तृणमूल कॉंग्रेसीन केला. आयोगान एसआयआरांत बूथ लेव्हल एजंट (बीएलए) नियुक्त करपाचे नेम बदलिल्ल्याचो आरोप तांणी केला.
पुराय एसआयआर प्रक्रिया ७ फेब्रुवारीक सोंपतली
४ नोव्हेंबर सावन १२ राज्यां आनी केंद्रशासीत प्रदेशांनी मतदार वळेरी अद्ययावत करपाक बूथ-पांवड्यावेलो अधिकारी (बीएलओ) घराघरांनी वचून काम करतात. वेंचणूक आयोगान सांगलें, २८ ऑक्टोबर ते ३ नोव्हेंबरच्या काळांत ह्या राज्यांनी मतदार वळेरी अद्ययावत करपा खातीर बीएलओना प्रशिक्षण दिलें. ही पुराय प्रक्रिया ७ फेब्रुवारीक सोंपतली.
एसआयआर मतदार यादी अद्ययावत करतले, नवीं मतदारांची नांवां जोडटले आनी मतदार वळेरेंतल्यो चुको दुरुस्त करतले.
ह्या १२ राज्यांनी एसआयआर आसतलें
गोंय
अंदमान आनी निकोबार
छत्तीसगड
गुजरात
केरळ
लक्षद्वीप
मध्य प्रदेश
पुडुचेरी
राजस्थान
तामिळनाडू
उत्तर प्रदेश
पश्चिम बंगाल
एसआयआर आशिल्ल्या १२ राज्यांनी सुमार ५१ कोटी मतदार आसात. राजकीय पक्ष ह्या कामा खातीर ५.३३ लाख बीएलओ आनी ७ लाखां परस चड बीएलए तैनात करतले.
एसआयआर मजगतीं, बीएलओ/बीएलए मतदाराक एक फॉर्म दितलें. मतदारान तांची म्हायती पडताळून पळोवची. जर मतदार वळेरेंत दोन सुवातांचेर नांव आसल्यार ते एका सुवातेवेल्यान काडून उडोवचें पडटलें. जर मतदार वळेरेंत नांव नासल्यार एक फॉर्म भरचें पडटलें आनी तें जोडपा खातीर संबंदीत कागदपत्रां दिवचीं पडटलीं.
SIR खातीर खंयचीं कागदपत्रां वैध आसात?
पेन्शनधारक वळखपत्र
खंयच्याय सरकारी विभागान दिल्लें वळखपत्र
जल्म प्रमाणपत्र
पासपोर्ट
धावेची गुणपत्रिका
कायमस्वरूपी रावपाचें प्रमाणपत्र
रान हक्क प्रमाणपत्र
जात प्रमाणपत्र
राष्ट्रीय नोंदणी (NRC)त नांव
कुटूंब नोंदणीत नांव
जमीन वा घर वांटप पत्र
आधार कार्ड
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
