भांगरभूंय | प्रतिनिधी
मुंबय, खबरां संस्था ः भारतांतली सगळ्यांत व्हडली रंग तयार करपी कंपनी एशियन पेंट्साचे सह संस्थापक अश्विन दाणी (79) संवसाराक अंतरले. संवसारांतल्या गिरेस्त लोकांच्या वळेरेंत तांचो आस्पाव जाल्लो. एशियन पेंट्स ही संस्था ताच्या बापायन 1942 वर्सा सुरू केली.
आश्विन 1968 वर्सा आपल्या बापायच्या एशियन पेंट कंपनींत वरिश्ठ कार्यकारी म्हणून कामाक लागलो. 1997 वर्सा ते एशियन पेंट्स कंपनीचे उपाध्यक्ष आनी वेवस्थापकीय संचालक जाले. कंपनीक सगल्यांत व्हडली कंपनी करपांत तांणी मोलादीक योगदान दिले.
बाजार भांडवलाचे नदरेन एशियन पेंट्स ही देशांतली सगळ्यांत व्हडली रंग कंपनी. एशियन पेंट कंपनीचें मार्केट कॅप 3.03 लाख कोटी रुपया आसा. एशियन पेंट्स 15 देशांनी काम करता आनी संवसारभर ताचे 27 उत्पादन युनिट आसात. कंपनीचो वेवसाय 60 परस चड देशांनी पातळ्ळा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
