भांगरभूंय | प्रतिनिधी
टेक्सास, खबरां संस्था: संवसारांतलो सगल्यांत गिरेस्त उद्देगपती एलन मस्क हांच्या स्टारशिप-३६ रॉकेटाचो टेक्सासच्या स्टारबेस तपासणी थळांचेर अचकीत व्हड स्फोट जालो. ताचो उजो आनी धुंवर पयस मेरेन दिसतालो. हो स्फोट आयज, १९ जूनाक भारतीय वेळे प्रमाण सकाळीं ९:३० वरांचेर जालो.
स्टारशिपच्या १० व्या चाचणी उड्डाणा पयलीं रॉकेटाची दुसरी स्थिर उज्याची चाचणी सुरू आसतना हो स्फट जालो. हे चाचणेंत, रॉकेटाचें इंजिन जमनीचेर दवरतना सुरू करता. जाका लागून प्रक्षेपणा पयलीं सगळें बरें आसा काय ना हें तपासपाक मेळटलें.
चाचणी सुरू जावपाच्या पयलीं, रॉकेटाच्या वयल्या भागांत, जंय इंधन टाकयो आसा, थंय अचकीत स्फोट जालो. कांय वेळांतूच पुराय रॉकेट उज्याच्या गुळ्यांत रुपांतरीत जालें.
आशिकुशीकच्या वाठारांत रावपी लोकांनी सांगलें, हो स्फोट इतलो खर आशिल्लो, तातूंत तांच्या घराचीं जनेलां हाल्लीं.
या स्फोटाच्या व्हिडिओंत अचकीत रॉकेटाच्या वयल्या भागांतल्यान उजो भायर पडटा आनी उपरांत पुराय रॉकेटाचो स्फोट जाता अशें दिसता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
