भांगरभूंय | प्रतिनिधी
सध्या बेकारी वाडूंक लागल्या. नवे उद्देग आयले तरुच रोजगार मेळूंक शकता. मात आमच्याहातांत अशें एक करियर आसा जें तुमकां अर्थीक बळगें तर दितलेच, खेरीज तुमच्या हातांतल्यान समाजसेवाय जातली. इतलेंच न्हय, तर तुमी दुसऱ्याक रोजगारुय दिवपाक शकतले. कसलें हें करियर? तर तें एलआयसी एजंट. एक म्हणल्यार अमक्याच वेळार तुमी हें काम करपाक जाय अशें ना. घरा बसून तुमी एखाद्याक पाॅलिसी दिवंक शकता. एलआयसी एजंट कोणूय जावंक शकता. हाका खंयच्या फांट्याचें शिक्षण उपकारता. विशेश म्हणल्यार हें करियर सुरू करपाक तुमकां एकूय पयसो मोडपाक नाका. वयल्यान तुमची जोड चालूच आसतली. ती लेगीन अमर्यादीत. तुमीच आसतले तुमचे बाॅस. हाका निवृत्तीची पिराय ना. अमूकच वेळार गिरायकाक मेळपाक जाय अशेंय ना.
केरी- पेडणेंचे सुहास पिंगुळकार हांणी एलआयसी एजंट म्हूण काम सुरू केलां. तो थोडो उसरांच ह्या फांट्यांत आयलो. पयलीं एके खाजगी बँकेंत ताणें 28 वर्सां काम केलें. मागीर कांय कारणांक लागून बँक बंद पडली. सुहास कांय दीस निर्शेलो. मागीर ताका एलआयसीन वाट दाखयली. तो आतां समाधानान काम करता. वर्साक जें टार्गेट दितात तें पुराय करता. तो म्हणटा हें काम अशें आसा की तुमी जितलो वावर वाडयशात तितले तुमी वयर सरतात. तशेंच तुमी एका मनशाच्या कुटुंबाक वाटायतात. तांचो फोन (92843 31210) ईमेल ([email protected]).
मरण कोणाक, केन्ना येत तें सांगपाक येना. अशा वेळार तुमच्या हातांत आशिल्ली पाॅलिसी कामाक येता. समजा तुमकां कांयच जावंक ना जाल्यार जितली पाॅलिशी केल्या तितले पयशे तुमकां बोनस पयशां सयत मेळटात. आतां भोवतेक सगल्याच धंद्यांनी फटिंगपणा घुसल्यात, मात एलआयसींत फटींगपणान नात. तुमी चड पाॅलिशी केल्यो जाल्यार तुमचो सत्कार जाता. तुमकां सवलती मेळटा. फुकट अमेरिकेक पसून वचपाक मेळटा. पूण ते खातीर तुमकां काम करचें पडटा. तुमचें घर म्हणल्यार एक कार्यालय जाता, अशें म्हणल्यार अतिताय थारची ना. एलआयसीची वळख करुन दिवपाचें काम एजंट पयलीं करतात. खरें तर तांची जिणूच लोकां खातीर आसता. लोकांची भलायकेचो हुस्को ते मिटयतात. फाव ती पाॅलिसी तुमचें बजेट पळोवन ते सांगतात.
धरून चलात पाॅलिशीचो वावर आसा तो एजंट पुराय करता. विमो एजंटाक त्या वेवसायांत उत्पादक म्हूण वळखतात. आपूण जाची पाॅलिशी करता, ताची म्हायती ती आपले डायरेंत नोंद करून दवरतात. पाॅलिसी कसली, ताचे फायदे कितें तें सगलें गिरायकाक सांगचें पडटा. आतां सगलें आॅनलायन जाल्ल्यान तुमचें आनी ताचेंय काम सोंपें जालां. एलआयसी एजंटाक गोड उलोवपाक येवंक जाय. म्हायती दिवपाक येवंक जाय. ताका रोखडीच तिडक येवपाक जायना.
बँक बंद जाल्ल्यान पिंगुळकार हांकां मुखार कितें करचें तें कळना जालें. तेन्ना डेव्हलोपमेंट आॅफिसर आ्रशिष ढाले तांचे मजतीक धांवले आनी तांणी एलआयसी संस्ते विशीं, पाॅलिशीं विशीं सगली म्हायती तांकां दिली. श्री. पिंगुळकार तांचे व्हड उपकारी आसात. एक एजंट म्हूण तुमकां लेगीत अशी संद आसा. अशे अधिकारी तुमकां सावरून घेतात. पाॅलिसी करपाक मजत करतात. गिरायका लागीं उलोवपाक शिकयतात. पाॅलिशीची म्हायती दितात. एकदां तुमी ही परीक्षा पास जाले काय प्रशिक्षण एलआयसी दिता. तातूंत तुमच्यो अडचणी, दुबाव सांगू येता. हरशी ते अधिकारी पयस करतातूच. पूण प्रशिक्षणा वेळार तुमी तुमचे दुबाव विचारूं शकता.
हे संस्थेची म्हायती, येवजण्यो तुमी इंटरनेटाचेर पळोवंक शकता. 1818 वर्सा ही संस्था इंग्लंडांतल्यान भारतांत आयली. स्वातंत्र्या उपरांत केंद्र सरकारान तिका तेंको दिलो. आयज करोडांनी लोक एलआयसी पाॅलिसी करतात. तशेंच तिचे एजंट जावन पाॅलिसी करपीय लाखांनी लोक आसात.
प्रा रामदास केळकार
9822583275
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
