भांगरभूंय | प्रतिनिधी
कोल्हापूर, खबरां संस्था ः वारकरी संप्रदायातले कसबा बावडा वाठारांतले पांडुरंग उलपे म्हणल्यार पांडुरंग तात्या हांकां पंदरा दिसां आदीं हरिनामाचो जप करतना काळजाचो आताक आयलो. ते उपरांत तांचेर हॉस्पिटलांत उपचार चलताले. पूण दोतोरांनी तांकां मरण आयिल्ल्याचें जाहीर केलें. पांडुरंग तात्या हांकां एम्ब्युलन्सींतल्यान घरा व्हरतना रस्त्यार आशिल्ल्या फोंडकुलांत एम्ब्युलन्साक नेटान आपटली. आनी त्याच वेळार पांडुरंग तात्याचें कुडीची हालचाल सुरु जालीं. उपरांत पांडुरंग तात्याक परतून हॉस्पिटलांत व्हेले आनी तांचेर उपचार सुरु केले.
मेळिल्ले म्हायती प्रमाण, पांडुरंग तात्या 16 डिसेंबराक हरिनामाचो जप करताले. त्या वेळार तांकां खर काळजाचो आताक आयलो. उपरांत तांचे घरकान्नीन शेजाऱ्यांक फोन करून आपयलें आनी तात्याक हॉस्पिटलांत व्हेलो. 16 डिसेंबराक रातच्या साडे इकरा मेरेन दोतोरांनी तांकां वाचवपाचो खूब यत्न केलो. पूण तरी लेगीत तांकां मरण आयलें. तो मेरेन तांच्या मरणाची खबर तांच्या गांवात, सोयऱ्यांक सगल्या कडेन पावली. उपरांत घरांत सगळे जमले आनी तांच्या निमाण्या संस्काराची तयारी करपाक लागले.
एम्ब्युलन्स तात्याक घेवन घरा येवपाक भायर सरली. तांच्या घरा वटेन वचपी रस्तांचेर फोंडकुल खूब आशिल्ले. मजगतीं, एम्ब्युलन्साचो फाटलो टायर त्या एका फोंडकुलात नेटान आपटलो आनी एक चमत्कार जालो. पांडुरंग तात्याचे कुडीची मात्शी हालचाल जावपाक लागली. त्या नेटाच्या धपक्यान तांचें बंद जाल्लें काळीज परतून चालू जालें. एम्ब्युलन्सांतल्या अटेंडंटांनी तांकां पयलो उपचार केलो आनी परतून एम्ब्युलन्स हॉस्पिटलाचे वटेन वळयली. थंय तांचेर परतून उपचार जाले. आनी एक वरांत तात्याच्या कुडीन उपचाराक बरो प्रतिसाद दिलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
