भांगरभूंय | प्रतिनिधी
गोंय क्रिकेट संघटनेन आयोजीत केल्ले जीपीएल क्रिकेट लिगेची फायनल एमसीसी आनी धेंपो क्रिकेट क्लब हांचे मदीं जातली. फायनल 25-27 मार्चाक पीसीए मैदानाचेर जातली.
पणजी जिमखानाच्या बांदोडकार क्रिकेट मैदानाचेर जाल्ले सेमी फायनलींत एमसीसीन साळगांवकार क्रिकेट क्लबाक 7 विकेटींनी हारयलो.
पयल्या डावांत 138 धांवड्यांनी फाटीं उरल्या उपरांत 1 बाद 14 धांवड्यां वयल्यान मुखार खेळपाक सुरवात केल्या उपरांत साळगांवकार क्रिकेट क्लबान आपलो दुसरो डाव 8 बाद 269 धांवड्यांचेर घोशीत केलो. ताच्या अमोघ देसाय आनी आदित्य सुर्यवंशी हांणी अर्द शेंकडे मारले.
ते उपरांत जैता खातीर गरजेच्यो 132 धांवड्यो एमसीसीन 3 विकेटी वगडावन काडल्यो. एमसीसी खातीर सुमिरन आमोणकारान अर्द शेंकड्याची खेळी केली.
थोडे भितर धांवतकटोः साळगांवकार क्रिकेट क्लब, (पयलो डाव) 207, एमसीसी (पयलो डाव) 345, साळगांवकार क्रिकेट क्लब (दुसरो डाव) 1 बाद 14 धांवड्यां वयल्यान 99.5 ओव्हरींनी 8 बाद 269 धांवड्यो (अमोघ देसाय 62, गौरीश कांबळी 42, दीपराज गांवकार 24, आदित्य सुर्यवंशी 63, यश कसवणकार 31, आयुष वेर्लेंकार 18, दिशांक मिस्किन नाबाद 7, लकमेश पावणे 0 धांवड्यो, हेरंब परब 3-71, दर्शन मिशाळ 2-106, किथ पिंटो 2-55, वेदांत नायक 1-21) एमसीसी (दुसरो डाव) 34.5 ओव्हरींनी 3 बाद 133 धांवड्यो (सुमिरन आमोणकार नाबाद 56, प्रथमेश गांवस 22, शांतनू नेवगी 17, शौर्य जगलान 8, वेदांत नायक नाबाद 20 धांवड्यो, यश कसवणकार 2-28, अमुल्य पांड्रेकार 1-59).
———–
धेंपोच्या अभिनवाचो शेंकडो
धेंपो क्रिकेट क्लबान फायनलींत सुवात मेळयली. पणजी जिमखाना आडची तीन दिसांची मॅच बादाबाद रितीन सोंपली. पूण, पयल्या डावांत मेळिल्ली 194 धांवड्यांची आघाडी घेतिल्ल्यान ताची फायनलींतली सुवात निश्चीत जाली. मॅच पर्वरी क्रिकेट अकादमीच्या मैदानाचेर जाली.
काल बिनबाद 6 धांवड्यां वयल्यान मुखार खेळपाक सुरवात करपी धेंपो क्रिकेट क्लबान मॅच सोंपली त्या वेळार आपल्या दुसऱ्या डावांत 8 बाद 274 धांवड्यो केल्यो. धेंपो वतीन अभिनव तेज राणान 112 बॉलांनी 11 चवके आनी णव सक्यांचे मजतीन 144 धांवड्यो केल्यो. ताचे खेरीत करण वशोदियान 56 धांवड्यो केल्यो. पणजी जिमखानाच्या हेरंब परबान 113 बॉलांनी 5 विकेटी घेतल्यो.
थोडे भितर धांवतकटोः धेंपो क्रिकेट क्लब, (पयलो डाव) 402, पणजी जिमखाना (पयलो डाव) 207, धेंपो क्रिकेट क्लब, (दुसरो डाव) बिनबाद 6 वयल्यान 51 ओव्हरींनी 8 बाद 274 (करण वशोदिया 56, मंथन खुटकार 8, अभिनव तेज राणा 144, सोहम पानवलकार 0, यश परब 0, वासू तिवारी 10, रोहन बोगाटी 8, लक्ष्य गर्ग 15, विकास सिंग नाबाद 24, साईश कामत नाबाद 1 धांवडी, हेरंब परब 5-113, राहुल मेहता 2-76, शुभम देसाय 1-50).
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
