भांगरभूंय | प्रतिनिधी
पर्वरी क्रिकेट अकादमीचेर स्पिनरांक मजत करपी खेळपट्टीचेर एमसीसीन पणजी जिमखाना आड जैताचे दिकेन पावलां मारल्यात. जीपीएल तीन दिसांचे लडतीच्या दुसऱ्या दिसा 254 धांवड्यांनी फाटीं आशिल्ल्या पणजी जिमखानाची स्थिती 5 बाद 84 अशी जाल्या.
आयज निमाण्या दिसा जैता खातीर पणजी जिमखानाक जैता खातीर आनीक 171 धांवड्यांची गरज आसा.
एमसीसीच्या पयल्या डावांतल्या 179 धांवड्यांचो 8 बाद 142 धांवड्या वयल्यान फाटलाव करतना पणजी जिमखानाचो डाव 161 धांवड्यांचेर सोंपिल्ल्यान एमसीसीक 18 धांवड्यांची आघाडी मेळिल्ली. एमसीसीन आपल्या दुसऱ्या डावांत 236 धांवड्यो केल्यो आनी आपली वट्ट आघाडी 254 मेरेन व्हेली. पणजी जिमखाना खातीर शुभम देसायान 5 विकेटी घेतल्यो. खेळ सोंपलो त्या वेळार पणजी जिमखानान आपल्या दुसऱ्या डावांत 5 विकेटी वगडावन 84 धांवड्यो केल्यात. एमसीसी खातीर हेरंब परबान तीन जाल्यार किथ पिंटोन 2 विकेटी घेतल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
