भांगरभूंय | प्रतिनिधी
खबरां संस्था
पॅरीसः फ्रान्साचो 24 वर्सां पिरायेचो कायलियन एमबाप्पे आंतरराष्ट्रीय पांवड्यार सगल्यांत लोकप्रिय फुटबॉल खेळगड्यां पैकी एक आसा. 2022च्या फिफा संवसारीक करंड फुटबॉल सर्तींत ताणे अर्जेन्टिना आड हॅट्ट्रिक केल्ल्यान ताची लोकप्रियतेंत भर पडल्या. आपले फ्रान्साचे भोंवडेंत भारतीय लोकां कडेन उलयतना पंतप्रधान नरेंद्र मोदी हांणी सांगलें की किलियनाचे फ्रान्स जितले चाहते आसात ताचे परस चड भारतांत आसात. भारतीय ताका जितले वळखतात तितले फ्रेंच लोक लेगीत वळखनात.
किलियन एमबाप्पे 2018 वर्साच्या संवसारीक फुटबॉल करंड जिखपी फ्रान्स पंगडांत आशिल्लो. ताणे त्या वेळार 12 गोल केल्ले. एमबाप्पे फ्रान्साच्या राष्ट्रीय फुटबॉल पंगडात खेळटा. 2018 वर्सा ताणे 4 गोल करून देशाक संवसारीक फुटबॉल करंड जिखून दिल्लो. 2022 वर्सा ताणे सगल्यांत चड 8 गोल करून गोल्डन बूट जिखल्लो मात फायनलींत तांका अर्जेन्टिना कडल्यान हार खावची पडली. लिओनेल मेस्सी अर्जेन्टिनाचो कॅप्टन आशल्ली. मेस्सी आनी एमबाप्पे फुटबॉल क्लब पॅरिस सेंट-जर्मेन वतीन (पीएसजी) खेळटात. मेस्सी सद्या इंटर मियामींत आनी एमबाप्पे अजून पीजीएसांत आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
