भांगरभूंय | प्रतिनिधी
मुरगांव ः मुरगांव बंदर प्राधिकरणाच्या (एमपीए) पयल्या मंडळाचेर वांगडी म्हणून गौतम सावंत हांची नेमणूक जाल्या.
गौतम सावंत हांची भारत सरकाराच्या बंदरां, बोट आनी उदका मार्ग मंत्रालयान मुरगांव बंदर प्राधिकरणाच्या (एमपीए) पयल्या मंडळाचेर वांगडी म्हणून नेमणूक केल्या. गौतम 14 जुलय 1997 दिसा एमडीएलबींत लिपीक म्हणून सेवेंत रुजू जाले. सध्या वरिश्ठ कामगार निरिक्षक म्हणून ते काम करतात. फाटल्या तीन वर्सां सावन ते गोवा पोर्ट अॅण्ड डाॅक एम्प्लाॅईज युनियनाचे उपाध्यक्ष आसात.
मजगतीं, मुरगांव बंदर प्राधिकरणाच्या पयल्या मंडळाचेर नेमणूक जाल्ले खातीर गौतम सावंत हांचो गोवा पोर्ट अॅण्ड डाॅक एम्प्लाॅईज युनियनान हालींच सत्कार केलो. ह्या वेळार युनियनाचे अध्यक्ष लक्ष्मीकांत गावडे. सरचिटणीस अभय फळदेसाय, भांडारी अभय राणे, सीएचएलडीचे कार्यकारिणी वांगडी उदय फडते, दामू पेटकार, साईनाथ मेस्ता, लक्ष्मण दोडमणी, निलेश खर्डे आदी मानेस्त हाजीर आसले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
