भांगरभूंय | प्रतिनिधी
भांगरभूंय । प्रतिनिधी
वास्कोः झुवारीनगरच्या एमईएस वसंत जोशी म्हाविद्यालयाच्या वाणिज्य विभागान आयोजित केल्ल्या वाणिज्य महोत्सवांत तिसरें वर्स बी.कॉम ( डिव्हिजन ए ) आनी दुसरें वर्स बी.कॉम ( डिव्हिजन ए) हांका जोड जैतिवंत घोशीत केलें. दुसरें वर्ष बी.कॉम ( डिव्हिजन डी) आनी दुसरे वर्स बी.कॉम ( डिव्हिजन बी) हे उपजैतिवंत थारले.
महोत्सवाचें उक्तावण म्हाविद्यालयाचो आदलो विद्यार्थी आनी खेळां पत्रकार अॅलन व्हॅलेटिनो डिक्रज हाचे हस्तुकीं केलें. ह्या वेळार प्राचार्य डॉ मनस्वी कामत, वाणिज्य विभाग मुखेली डॉ संचेलियाना फारिया, समन्वयक प्रा संजना हळर्णकार, कॉमर्स असोसिएशनाचो अध्यक्ष अल्विनो लोमोस, उपाध्यक्ष मीना पटेल हाजीर आशिल्ली.
अॅलन डिक्रुज हाणे पर्यावरण राखणेक प्राधान्य दिवपाचें विद्यार्थ्यांक आवाहन केलें. संजना हळर्णकारान महोत्सवाची संकल्पना मांडली. आल्विनो लेमोस हाणे उपकार मानले. .‘सी-इग्नाइट’ ह्या वाणिज्य विभागाच्या मासिकाचें प्रकाशन ॲलन व्हॅलेंटिनो डिक्रूझ हाणे केलें. विद्यार्थ्यांक वाणिज्य आनी उद्देगीक मळा वयल्या घडणुकांची म्हायती दिवपा खातीर व्हो महोत्सव आयोजीत केल्लो.
इनाम भेटवण कार्यावळीक म्हाविद्यालयाचो आदली विद्यार्थिनी आनी टाटा कम्युनिकेशन कंपनीची सहाय्यक वेवस्थापक वंदना पटेल मुखेल सोयरी आनी आय ओ बी बँकेची वरीश्ठ वेवस्थापक श्रीमती श्रीनिया बसाक हाजीर आशिल्ली. वंदना पटेल हिणे शाश्वत आनी न्याय जगाकडेन बदल घडोवन हाडपा खातीर तरणाट्यांच्या भूमिकेचेर भर दिलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
